په ختیځ کې د عزیزي بانک مسؤل د ننګرهار پوهنتون رئيس سره وليدل.

nu_admin
یکشنبه ۱۴۰۰/۴/۲۷ - ۸:۵۲
image

 

د افغانستان په ختیځ کې د عزیزي بانک مسؤل حمیدالله ځاځي او ورسره مل پلاوي د ننګرهار پوهنتون رئيس پوهاند دوکتور خلیل احمد بهسودوال سره ولیدل.

د لیدنې پر مهال دواړو لورو د ننګرهار پوهنتون استادانو، محصلینو او اداري کارکوونکو ته په مناسبه بیه د معاشاتو او بدل اعاشې رسولو، په پوهنتون کې د ATM دستګاه لګولو او همدارنګه د پوهنتون د ځینو پارکونو، تفریح ځایونو او لارښودو لوحو د بیا رغونې په اړه بحث او خبرې اترې وشوې.

ښاغلي ځاځي د خپلو پولي خدمتونو او اسانتیاوو په اړه د پوهنتون مشرتابه ته معلومات ورکړل او زیاته یې کړه، چې وړاندیزونه به یې د خپلو مشرانو او مسؤلینو سره شریک او ډېر ژر به یې په اړه عملي اقدامات ترسره کړي.

د یادونې وړ ده، چې په نوموړې لیدنه کې د ننګرهار پوهنتون د محصلانو چارو مرستیال پوهنوال سید اکرم هاشمي، د اداري او مالي چارو مرستیال مسعود پیروزي او د پوهنتون د بهرنیو اړیکو کمېټې مسؤل پوهنمل دوکتور محمد دوست صافي هم حضور درلود.

تازه خبرونه

یکشنبه ۱۴۰۱/۵/۲۳ - ۸:۲۴
Background image

ننګرهار پوهنتون کې (د مور په شېدو سره د ماشوم د تغذیې اوونۍ) د يوې سترې غونډې په ترڅ کې ونمانځل شوه.

 

ياده نمانځغونډه، چې د دې پوهنتون د طب پوهنځي فرهنګي کمېټې له خوا د سپین غر لوړو زده کړو موسسې په تخنیکي مرسته جوړه شوې وه، د ننګرهار پوهنتون او طب پوهنځي د مشرتابه او استادانو سربېره. . .

یکشنبه ۱۴۰۱/۵/۲۳ - ۸:۲۰
Background image

د جلال آباد ښاروالۍ د تخنیکي او سکتوري چارو رئیس د ننګرهار پوهنتون مشرتابه سره ولیدل.

 

د جلال آباد ښاروالۍ د تخنیکي او سکتوري چارو رئیس انجنیر دوست محمد چهاردیوال د ننګرهار پوهنتون رئیس پوهاند دوکتور خلیل احمد بهسودوال سره ولیدل.

په یاده لیدنه کې، چې د لوړو زده کړو. . .

دوشنبه ۱۴۰۱/۵/۱۷ - ۱۰:۹
Background image

په ختیځ کې د دولتي او خصوصي پوهنتونونو مسؤلینو او استادانو د ملګرو ملتونو له خوا د لوړو زده کړو پر سرپرست وزیر د لګېدلو بندیزونو په غبرګون کې اعتراضیه غونډه وکړه.

 

یاد کنفرانس، چې د محرم په ۹مه نېټه د ننګرهار پوهنتون په کوربتوب ترسره شو، ویناوالو یې د غندنې تر څنګ د هېواد په تحصیلي نظام د یادو بندیزونو د ناوړه اغېزو او بدو پایلو په اړه مقالې او. . .

BACK TO NEWS