ننګرهار پوهنتون کې د نورستان ولایت د ښوونکو او ملکي خدمتونو د ۵ او ۶ بستونو لپاره د کانکور ازموینه واخیستل شوه

sakhizada_admin
یکشنبه ۱۳۹۹/۹/۲ - ۹:۵۲
image

 

د مسؤلینو په وینا، په نوموړې ازموینه کې (۱۱۳۴) تنو داوطلبانو ګډون درلود، چې له دې ډلې به (۳۴۳) تنه یادو بستونو ته استخدام شي.

په هغه پرانيستونکې غونډه کې، چې له همدې امله د شرعیاتو پوهنځي د امام ابو حنیفه (رح) د غونډو په تالار کې جوړه شوې وه، د پوهنتون د مشرتابه او استاذانو سربېره په کې د مشرانو جرګې د دیني، فرهنګي، پوهنې او لوړو زده کړو کمېسون غړي سناتور عبداللطیف نهضت یار، د نورستان لوړو زده کړو موسسې علمي مرستیال پوهنیار حبیب رحیم شینواري، د ننګرهار او نورستان ولایت د اداري اصلاحاتو او ملکي خدمتونو مسؤلینو او د ازموينو ملي ادارې د راغلي پلاوي غړو برخه لرله.

غونډه د ننګرهار پوهنتون د محصلانو چارو مرستیال پوهندوی سید اکرم هاشمي په پرانيستونکې وينا پيل شوه؛ نوموړي وويل، چې د کانکور په نننۍ ازموينه کې ۱۱۳۴ تنه ګډونوال برخه لري، چې له دې ډلې به ۳۴۳ تنه د وړتیا او شایسته ګۍ د اصل له مخې یادو بستونو ته لار پیدا کړي.

ښاغلي هاشمي راغلي پلاوي او دغه راز د پوهنتون استادانو ته سپارښتنه وکړه، چې د کانکور ګډونوالو ځوانانو ته دې د ازموينې په اړه په ښه توګه لارښوونه وکړي او ازموينه دې د علمي نورمونو او اصولو سره سمه په شفافه توګه واخيستل شي.

د مشرانو جرګې د دیني، فرهنګي، پوهنې او لوړو زده کړو کمېسون غړي سناتور عبداللطیف نهضت یار، د ازموينې ملي ادارې د راغلي پلاوي مشر پوهندوی محمد عارف عرفان، د نورستان لوړو زده کړو موسسې علمي مرستیال پوهنیار حبیب رحیم شینواری او د یاد ولایت د اداري اصلاحاتو او ملکي خدمتونو ادارې مشر عبدالواجد راسخ د غونډې نور ویناوال وو، چې د ازموینې په شفافې اخیستنې یې تاکید وکړ.

د غونډې په پاى کې د ټولو ګډونوالو په حضور کې د پوښتنپاڼو د بکسونو قلفونه خلاص او رسماً ازموينه پيل شوه، چې د ننګرهار پوهنتون د محصلانو چارو مرستیال د راغلو مېلمنو په ملتيا د ازموينې له صحنې څخه لیدنه هم وکړه

تازه خبرونه

یکشنبه ۱۴۰۳/۱/۵ - ۸:۵۴
Background image

ننګرهار پوهنتون کې د یوه مجهز څېړنیز مرکز د جوړېدو چارې پیل شوې.

د یاد مرکز وداني د ننګرهار پوهنتون رهبرۍ په هلو ځلو او د شهید افسر خان ستانکزي خيريه بنسټ له لوري د ۱۵ میلیونه افغانیو په مالي لګښت د اړینو عصري تجهیزاتو په لرلو سره په ۳ پوړونو کې. . .

دوشنبه ۱۴۰۲/۱۱/۲۳ - ۲۲:۸
Background image

د ننګرهار پوهنتون په نوښت جوړ شوی اقليم بدلون نړيوال کنفرانس پای ته ورسېد.

ياد کنفرانس چې د سلواغې په ۲۱ نېټه پيل او درې ورځې يې دوام وکړ، د وروستۍ ورځې په مناسبت يې د ښېوې ولسوالۍ اړوند ناکامورا پارک کېيي مراسم جوړ شوي وو، چې په کې د ننګرهار پوهنتون رئيس او. . .

یکشنبه ۱۴۰۲/۱۱/۲۲ - ۲۰:۴۹
Background image

ننګرهار پوهنتون کې د داير شوي اقليم بدلون نړيوال کنفرانس دويمه ورځ هم په بريا سره پای ته ورسېده.

د ننګرهار پوهنتون په کوربتوب او د لوړو زده کړو وزارت په همکارۍ د جوړ شوي اقليم بدلون نړيوال کنفرانس دويمه ورځ، چې د کنفرانس د محتوا اړوند د ګډونوالو علمي او تحقيقي مقالو ته ځانګړې شوې. . .

BACK TO NEWS