د ننګرهار پوهنتون د انګلیسي ژبې او کمپیوټر زده کړو مرکز (ELCLC) یو ځل بیا په فعالیت پیل وکړ

sakhizada_admin
دوشنبه ۱۳۹۹/۱۲/۴ - ۸:۵۴
image

 

د پوهنتون د مسؤلینو په وینا، یاد مرکز به د یوه کال په موده کې ۱۷۰۰ تنه استادان، محصلین او اداري کارکوونکي د انګليسي ژبې او کمپیوټر زده کړو په برخه کې وروزي.

نوموړی مرکز د اداري کارکوونکو د یوه حضوري او د محصلینو د درېو انلاین ټولګیو په پیل سره نن ورځ د ننګرهار پوهنتون د رئیس پوهاند دوکتور خلیل احمد بهسودوال له خوا په داسې حال کې، چې د علمي چارو مرستیال پوهندوی دوکتور محمد حامد کډوال او د محصلانو چارو مرستیال پوهنوال سید اکرم هاشمي یې ملتیا کوله، رسماً پرانستل شو.

د ننګرهار پوهنتون رئیس د انګلیسي ژبې او کمپیوټر د نوموړي مرکز په بیاځلي پرانیستې خوښي وښوده او یاد مرکز يې د محصلینو، استادانو او اداري کارکوونکو لپاره یو ښه فرصت وباله، چې د خپلو مسلکي زده کړو او مسؤلیتونو تر څنګ ترې ګټه واخلي.

پوهاند بهسودوال وويل: په ننني عصر کې د انګليسي ژبې او معلوماتي ټکنالوژۍ له زده کړې پرته پرمختګ ناشونى دى او د پوهنتون اداره به هڅه وکړي، چې د خپلو او نورو مرستندویو ادارو له امکاناتو په ګټې اخیستنې سره په پوهنتون کې ورته نور مرکزونه هم پرانیزي.

د علمي چارو مرستیال پوهندوی دوکتور محمد حامد کډوال او د محصلانو چارو مرستیال پوهنوال سید اکرم هاشمي د غونډې نور ویناوال وو، چې د خپلو خبرو پر مهال یې زده کړیالان فعال ګډون ته وهڅول او په اړونده برخه کې یې د مرکز مسؤلینو ته د همکارۍ ډاډ ورکړ.

د غونډې په وروستۍ برخه کې د نوموړي مرکز مسؤل پوهنیار محمد فهیم رحیمي خبرې وکړې او د خپلو فعالیتونو او راتلونکو پلانونو په اړه یې ګډونوالو ته معلومات ورکړل.

نوموړي وویل: یاد مرکز به د یوه کال په موده کې ۱۷۰۰ تنه استادان، محصلین او اداري کارکوونکي د انګليسي ژبې او کمپیوټر زده کړو په برخه کې وروزي.

ښاغلي رحیمي زیاته کړه: (English for Academic Purpose, English for Specific Purpose, TOEFL, Writing Classes ) او د کمپیوټر (ICDL) هغه پروګرامونه دي، چې د پوهنتون منسوبین به په کې وروزل شي.

تازه خبرونه

شنبه ۱۳۹۹/۱۲/۹ - ۹:۲
Background image

د کرنې پوهنځي د غونډو تالار د ارواښاد استاد پوهنوال سیداجان عتیق عبدیاني په نوم ونومول شو

 

د ننګرهار پوهنتون کرنې پوهنځي د غونډو تالار د دې پوهنځي د مخکېني رئیس او استاد ارواښاد پوهنوال سیداجان عتیق عبدیاني په نوم له نومول کېدو وروسته رسماً پرانیستل شو.

د پرانیستې په. . .

شنبه ۱۳۹۹/۱۲/۹ - ۸:۵۹
Background image

یاد به دې زه کړم، ښاد دې خدای کړه!

 

د مننې پیغام!

د ننګرهار پوهنتون اداره د پریسټن انګلیسي ژبې انیستیتیوت د مشر انجنیر بهارالله دانش شګیوال، د الياس افغان ودانيز شرکت رئيس انجنير خان محمد دوست، د مثبت بدلون ټولنې مشر. . .

شنبه ۱۳۹۹/۱۲/۹ - ۸:۵۶
Background image

ننګرهار پوهنتون کرنې پوهنځي کې د ۷ څېړنیزو پروژو پرانیسته وشوه

 

د مسؤلینو په وینا، یادې څېړنې د هندوستان کرنیز تحقیقاتي پوهنتون (IARI) د ماسترۍ دورې افغان محصلینو له خوا د ننګرهار پوهنتون کرنې پوهنځي د استادانو په لارښوونه ددې پوهنتون په تحقیقاتي. . .

BACK TO NEWS