د جيولوجي او کانونو اکتشاف انجنيري څانګې د درېيمې دورې فارغانو د پروژو دفاع ګانې پيل شوې

sakhizada_admin
دوشنبه ۱۳۹۹/۱۲/۴ - ۸:۴۹
image

 

د ننګرهار پوهنتون د مسؤلينو په وينا، د ساينس پوهنځي له يادې څانګې په درېيمه دوره کې ۶۷ تنه فارغېږي.

په همدې مناسبت د کب په ۳مه د ساينس پوهنځي په تالار کې غونډه جوړه شوې وه، چې د ننګرهار پوهنتون رئيس پوهاند دوکتور خليل احمد بهسودوال، د علمي چارو مرستیال پوهندوی دوکتور محمد حامد کډوال، د ساينس پوهنځي رئیس پوهندوی صفت الله شاکر او د یاد پوهنځي استادانو او محصلينو پکې برخه لرله.

غونډې ته د وينا پر مهال د ننګرهار پوهنتون رئيس پوهاند دوکتور خليل احمد بهسودوال وويل: افغانستان د کانونو او معدنونو له پلوه د سيمې په کچه غني هېواد دى، چې د استخراج لپاره يې مسلکي کادرونو ته اړتيا ده.

هغه زياته کړه: د خوښۍ ځاى دى، چې ننګرهار پوهنتون نن ورځ د جيولوجي او کانونو اکتشاف انجنيري مسلک کې ۶۷ تنه انجنیران فارغ او ټولنې ته د خدمت په موخه وړاندې کوي.

نوموړي فارغانو او د هغوى کورنيو ته مبارکي وویله او زیاته یې کړه، چې د وخت اړتیاوو ته په کتلو به د یادې څانګې د پرمختګ او پراختیا لپاره هلې ځلې وکړي او د امکان په صورت کې به یې په مستقل پوهنځي بدله کړي.

د ساينس پوهنځي رئيس پوهندوی صفت الله شاکر د جيولوجي او کانونو اکتشاف انجنيري څانګې پر ارزښت خبرې وکړې او په ياده برخه کې يې د لسګونو محصلينو فراغت ستره لاسته راوړنه وبلله.

ښاغلي شاکر له فارغانو غوښتنه وکړه، چې خپل فراغت وروستى ونه ګڼي او په اړونده څانګه کې لا زياتې زده کړې وکړي، تر څو د هېواد د کانونو د استخراج په برخه کې شته تشه ډکه کړي.

د غونډې په دويمه برخه کې د محصلينو دفاع ګانو لړۍ پيل شوه.

تازه خبرونه

شنبه ۱۳۹۹/۱۲/۹ - ۹:۲
Background image

د کرنې پوهنځي د غونډو تالار د ارواښاد استاد پوهنوال سیداجان عتیق عبدیاني په نوم ونومول شو

 

د ننګرهار پوهنتون کرنې پوهنځي د غونډو تالار د دې پوهنځي د مخکېني رئیس او استاد ارواښاد پوهنوال سیداجان عتیق عبدیاني په نوم له نومول کېدو وروسته رسماً پرانیستل شو.

د پرانیستې په. . .

شنبه ۱۳۹۹/۱۲/۹ - ۸:۵۹
Background image

یاد به دې زه کړم، ښاد دې خدای کړه!

 

د مننې پیغام!

د ننګرهار پوهنتون اداره د پریسټن انګلیسي ژبې انیستیتیوت د مشر انجنیر بهارالله دانش شګیوال، د الياس افغان ودانيز شرکت رئيس انجنير خان محمد دوست، د مثبت بدلون ټولنې مشر. . .

شنبه ۱۳۹۹/۱۲/۹ - ۸:۵۶
Background image

ننګرهار پوهنتون کرنې پوهنځي کې د ۷ څېړنیزو پروژو پرانیسته وشوه

 

د مسؤلینو په وینا، یادې څېړنې د هندوستان کرنیز تحقیقاتي پوهنتون (IARI) د ماسترۍ دورې افغان محصلینو له خوا د ننګرهار پوهنتون کرنې پوهنځي د استادانو په لارښوونه ددې پوهنتون په تحقیقاتي. . .

BACK TO NEWS