افغانستان د اقلیم بدلون د اغېزو قرباني هېواد دی، نړۍ یې باید په لاسنیوي کې بې تفاوته پاتې نه شي.

nu_admin
یکشنبه ۱۴۰۲/۱۰/۱۷ - ۱۱:۳۰
PICTURE

د اقلیم بدلون ستونزه تر ډېره د صنعتي هېوادونو د خپلسرو فعالیتونو په وجه رامنځته شوې، چې د افغانستان په څېر هېوادونه ترې متضرر دي؛ دوی ته په کار ده، چې اوس یې د مرستې او ژغورنې په برخه کې کوټلي اقدامات ترسره کړي.

یادې خبرې د لوړو زده کړو وزارت علمي معین دوکتور لطف الله خېرخواه په هغه مطبوعاتي غونډه کې وکړې، چې په ننګرهار پوهنتون کې د دایرېدونکي د اقلیم بدلون نړیوال کنفرانس په اړه د مرغومي په ۱۶ نېټه په دې پوهنتون کې جوړ شوی ؤ.

په یاد خبري کنفرانس کې د ننګرهار پوهنتون د مشرتابه، مرستیالانو او د اقلیم بدلون نړیوال کنفرانس د علمي بورد غړو سربېره د ولایتي ادارې د سکتوري ریاستونو رئیسانو، د خصوصي پوهنتونونو او لوړو زده کړو موسسو مسؤلینو، استادانو، محصلینو او د رسنیو استازو برخه لرله.

د لوړو زده کړو وزارت علمي معین د یاد کنفرانس د ارزښت او موخو په اړه د رسنیو استازو ته معلومات ورکړل. نوموړي وویل، د یاد کنفرانس له دایرولو یې موخه د اقلیم بدلون د اغېزو په برخه کې د ملي ستراتېژۍ جوړول او همدارنګه له نړۍ سره یې د اغېزو د کچې شریکول دي، چې افغانستان له یادې پدیدې څومره متاثر دی.

دوکتور خېرخواه زیاته کړه: نوموړي کنفرانس ته د هېواد د مسلکي کادرونو سربېره د نړۍ له ګڼو هېوادونو پوهان رابلل شوي، چې د ۲۰۰ په شمېر کې مقالې او ریسرچونه یې ترلاسه شوي، چې ۱۰۰ مقالې به ترې انتخاب او په کنفرانس کې وړاندې شي.

هغه وویل: د کنفرانس د علمي او تخنیکي چمتووالي لپاره ننګرهار پوهنتون ۱۳ کمېټې ټاکلي، چې ټول اړین تدابیر ورته نیول شوي او بودیجه یې د لوړو زده کړو وزارت له خوا ورکول کېږي.

نوموړي په یاده برخه کې د ننګرهار پوهنتون د مشرتابه او استادانو مننه وکړه، چې یادې سترې چارې ته یې اوږه ورکړې او د ښه ترسراوي لپاره یې هلې ځلې کوي.

د خبري کنفرانس په دویمه برخه کې د ننګرهار پوهنتون د تحقیقاتو او علمي مجلو مرستیال او د نړیوال کنفرانس د علمي بورد غړي پوهنمل دوکتور کفایت الله کاکړ د یاد کنفرانس په اړه معلوماتي پریزنټېشن وړاندې کړ او په یاده برخه کې یې د نیول شویو تدابیرو او پرمختګونو په اړه ګډونوالو ته معلومات ورکړل.

د یادونې وړ ده، چې د اقلیم بدلون نړیوال کنفرانس به د دلوې په ۲۱ مه نېټه په ننګرهار پوهنتون کې دایر او درې ورځې به دوام وکړي. یاد کنفرانس د څېړنو او ریسرچونو د ارایې تر څنګ د نندارتون او پوسټر پریزنټېشنو برخه هم لري، چې په پای کې به یې د اقلیم بدلون په اړه لویې او وړې پالیسۍ جوړې او د اسلامي امـ/ارت په واک کې به ورکړل شي.

تازه خبرونه

شنبه ۱۴۰۳/۳/۵ - ۸:۴۷
Background image

د لوړو زده کړو وزارت د اداري او زیربنا ریاست څخه راغلي پلاوي د ننګرهار پوهنتون له مشرتابه سره ولیدل.

یاد پلاوي، چې په تشکیل کې یې د لوړو زده کړو وزارت څلور تنه انجنیران شامل دي، د ننګرهار پوهنتون رئیس، مرستیالانو، د پوهنځیو رئیسانو او د تدارکاتو آمر سره د پوهنتون د شرعیاتو او حقوقو. . .

چهارشنبه ۱۴۰۳/۳/۲ - ۸:۳۹
Background image

ننګرهار پوهنتون کې د شـ.هید امــ/يرالمؤمنين ملا اختر محمد منصور (رحمه الله) د اتم تلین په مناسبت د قرانکريم ختم او ياد غونډه ترسره شوه.

په همدې پار د ننګرهار پوهنتون په جامع مسجد کې مراسم جوړ شوي و، چې په کې د ننګرهار پوهنتون د علمي چارو او محصلانو چارو مرستيالانو، د بېلابېلو پوهنځیو رئیسانو، استادانو او محصلینو ګډون. . .

سه‌شنبه ۱۴۰۳/۳/۱ - ۱۲:۳۲
Background image

د ننګرهار پوهنتون اقتصاد پوهنځي ۳۷ تنه محصلین د کمپیوټر زده کړو له روزنیز کورس څخه فارغ شول.

د کمپيوټر زده کړې یاد روزنیز کورس، چې د درې تنو استادانو له لوري په کې تدریس کېده، د اقتصاد پوهنځي (PDC) څانګې له خوا د پوهنځي ریاست سره په همغږۍ ۳ میاشتې وړاندې پیل شوی و او د اقتصاد. . .

BACK TO NEWS

User account menu