د ننګرهار پوهنتون محصلینو ته د داخلي او بهرنیو ژبو د زده کړې کورسونه پیل شول.

nu_admin
یکشنبه ۱۴۰۳/۶/۲۵ - ۱۰:۱۵
picture

د ننګرهار پوهنتون ریاست په لارښوونه او ددې پوهنتون د محصلانو خدمتونو انسجام آمریت له خوا د بېلابېلو پوهنځیو محصلینو ته د پښتو، دري ،عربي او انګلیسي ژبو زده کړې یو کلنه وړیا برنامه پیل شوه.
یاده برنامه چې مالي ملاتړ یې لوړو زده کړو وزارت کوي او د تدریس چارې یې د ننګرهار پوهنتون د ژبو او ادبیاتو پوهنځي استادان پر مخ وړي، سهار او مازیګر د محصلینو لپاره ټولګي لري.
په همدې مناسب د ننګرهار پوهنتون محصلانو خدمتونو انسجام امریت مسؤلینو له لوري د پوهنتون د غونډو په تالار کې د پرانیستې مراسم جوړ شوي وو، چې په کې د ننګرهار پوهنتون د محصلانو چارو مرستیال، د ژبو او ادبیاتو پوهنځي رئیس، استادانو، د دعوت او ارشاد امریت مسؤلینو او ګڼو محصلانو ګډون کړی و.
د ننګرهار پوهنتون د محصلانو چارو مرستیال پوهنیار حافظ سید محمد قاسم هاشمي غونډې ته د خپلې وینا پر مهال د ژبو د زده کړې یادې برنامې په پیلېدو خوښي څرګنده کړه او د زیاتو ژبو زده کولو په اهمیت او ګټو یې خبرې وکړې.
نوموړي وویل: دغه کورسونه کولی شي، چې د محصلینو په ژبنیز ظرفیت لوړاوي، اړیکو پیاوړتیا او مسلکي پرمختګ کې مهم رول ولوبوي او له کبله به یې هغوی په ملي او نړیوالو ادرسونو کې ځان لپاره کاري فرصتونه ومومي.
ښاغلي هاشمي ژمنه وکړه، چې راتلونکي کې به هم د محصلانو ظرفیت او غوښتنو ته په کتو دې ته ورته پروګرامونه جوړ او د مسلکي روزنې سربېره به هغوی ته بېلابېل مهارتونه ور زده کړي.
د ژبو زده کړې د یادو ټولګيو تدریسي بهیر سر له نن (یکشنبې) د ننګرهار پوهنتون ژبو او ادبیاتو پوهنځي کې پیلیږي.

تازه خبرونه

شنبه ۱۴۰۴/۳/۲۴ - ۱۱:۳۸
Background image

د ننګرهار پوهنتون له خوا د امارتي او خصوصي لېسو زده کوونکو ته د کانکور ملي ازموینې په اړه د عامه پوهاوي ورکشاپونه جریان لري.

د لوړو زده کړو محترم وزارت د رسمي هدایت له مخې ننګرهار پوهنتون د دې ولایت پوهنې ریاست سره په همغږۍ د امارتي او خصوصي لېسو زده کوونکو ته د کانکور ازموینې د نویو معلوماتو، مهمو تګلارو او. . .

شنبه ۱۴۰۴/۳/۲۴ - ۱۱:۳۳
Background image

د ننګرهار پوهنتون رئیس په دې پوهنتون کې د روانو ازموینو له بهیر څخه د نظم و شفافیت ارزونې په موخه لیدنه وکړه.

شیخ انعام الله مدني د پوهنتون د اړوندو پوهنځیو د ازموینو له صحنو څخه لیدنه وکړه او په ازموینو کې د انضباط، شفافیت او ټاکلو معیارونو رعایت اړوند یې مسؤلینو او استادانو ته سپارښتنې وکړې.
. . .

چهارشنبه ۱۴۰۴/۲/۲۴ - ۱۲:۴۹
Background image

د ننګرهار پوهنتون محصلینو ته ۳ ورځنی دیني او معلوماتي سيمینار پای ته ورسېد.

یاد سيمینار، چې پر مهال یې د هېواد جیدو علماء کرامو او افتخاري شیوخو له لوري د ۱۴ ګونو پوهنځیو محصلینو ته د مختلفو دیني او اصلاحي موضوعاتو په اړه بیانونه او پرېزنټېشنونه وړاندې شول، د. . .

BACK TO NEWS

User account menu