د ننګرهار پوهنتون له عامه ادارې او پالیسۍ او ژورنالېزم او ارتباطاتو پوهنځیو څخه (۱۵۸) تنه مسلکي کادرونه فارغ شول.

nu_admin
شنبه ۱۴۰۴/۴/۷ - ۱۵:۲
picture

د عامه ادارې او پالیسۍ پوهنځي له عامه ادارې، عامه پالیسۍ او مدیریت انکشاف څانګو څخه ۹۳ تنه او د ژورنالېزم او ارتباطاتو پوهنځي له عامه اړیکو، مطبوعاتو او راډیو- تلویزیون څانګو څخه ۶۵ تنه فارغ او ټولنې ته د خدمت په موخه وړاندې شول.
په همدې مناسبت د جلال اباد ښار ستاره شرق او خلیج کانتیننتال تالارونو کې د فراعت بېلابېلې غونډې جوړې شوې وې، چې د ننګرهار پوهنتون د رئيس او مرستيالانو سربېره په کې د یادو پوهنځيو رئيسانو، استادانو، شیوخ کرامو، اداري کارکوونکو، فارغانو او د هغوی د کورنيو غړو برخه لرله.
د غونډو ښه راغلاست ویناوو پر مهال د عامه ادارې او پالیسۍ پوهنځي رئیس پوهنمل محمد جمال شینواري او د ژورنالېزم او ارتباطاتو پوهنځي رئیس پوهندوی سید سمیع الله سعیدي په خپلو خبرو کې د فارغانو په علمي هڅو، وړتیاوو، تدریسي او روزنیز بهیر او راتلونکو مسؤلیتونو خبرې وکړې او د پوهنتون رهبرۍ او نورو مېلمنو ته یې ښه راغلاست ووایه.
فراغت غونډو ته د ویناوو پر مهال د ننګرهار پوهنتون رئيس شيخ انعام الله مدني، د علمي چارو مرستیال پوهندوی مولوي احسان الله ناصح او د څېړنو او علمي مجلو مرستیال پوهندوی دوکتور سعید محمد وقار فارغانو ته مبارکي ورکړه، د لا زیات علمي پرمختګ دعا یې ورته وکړه او د عامه ادارې او پالیسۍ پوهنځي فارغانو ته یې د سپارښتنې په توګه وویل، چې په خپله کاري ساحه او اړوندو ادارو کې د خدماتو کیفیت لوړاوي، ملي پرمختګ تامین، عدالت او اداري نظام سمون کې رغنده رول ولوبوي.
نوموړو همدارنګه د ژونالېزم او ارتباطاتو پوهنځي فارغانو ته هم سپارښتنه وکړه، چې د قلم، ځوانې انرژۍ او رسنیو له لارې حقایق بیان کړي، د مظلومو مسلمانانو غږ پورته کړي او د خپل دین او هېواد دفاع لپاره خپله مسلکي پوهه استعمال او خپله وجیبه ادا کړي.
د پوهنتون رهبرۍ فارغان د نظام ملاتړ، نورو عالي تحصیلاتو او ټولنه کې د پوهنتون ښه استازیتوب ترسره کولو ته وهڅول او د هغوی له کورنیو یې مننه وکړه، چې د خپلو اولادونو ملاتړ یې کړی دی.
یادې فراغت غونډې فارغانو ته د سندونو په ورکولو سره پای ته ورسېدې.

تازه خبرونه

یکشنبه ۱۴۰۴/۵/۵ - ۱۴:۴۵
Background image

د ننګرهار پوهنتون د ۱۴ ګونو پوهنځیو مسؤلینو ته د علمي پروګرامونو د بیاکتنې (ای پي ار) ورکشاپ دایر شو.

یاد ورکشاپ، چې د دې پوهنتون علمي چارو معاونیت په نوښت د پوهنتون په (پي ډي سي) مرکز کې ترسره شو، پر مهال یې د پوهنتون علمي پروګرامونو کلنۍ ارزونې او دوره یي بیاکتنې په موخو، محتوا،. . .

چهارشنبه ۱۴۰۴/۴/۲۵ - ۱۵:۲۱
Background image

ننګرهار پوهنتون کې د هېواد نوموتي او حماسي شاعر ارواښاد مطیع الله تراب فاتحه ترسره شوه.

په یاده فاتحه کې د ننګرهار پوهنتون د رئیس او مرستیالانو تر څنګ د پوهنځیو مسؤلینو، استادانو، اداري او خدماتي کارکوونکو برخه لرله، چې پر مهال یې د مرحوم تراب حماسي شاعري، د ټولنې بیدارۍ. . .

چهارشنبه ۱۴۰۴/۴/۲۵ - ۱۵:۲۰
Background image

د ننګرهار پوهنتون منسوبینو ته د ناسمو رواجونو او عقودو په هکله د اسلامي امارت د مشرتابه (حفظه الله) د فرمانونو د تشریح یو ورځنی سيمينار دایر شو.

یاد سيمينار د دې پوهنتون د رهبرۍ په لارښوونه د دعوت او ارشاد امریت په نوښت د روانې محرم الحرام میاشتې په ۲۰ مه نېټه د پوهنتون په جامع مسجد کې دایر شو، چې د پوهنتون رئیس، مرستیالانو،. . .

BACK TO NEWS

User account menu