د محصلانو چارو مرستیال د مرکزي لیلیې د پخلنځي او خوړنځي څخه لیدنه وکړه.
د ننګرهار پوهنتون د محصلانو چارو مرستیال پوهنیار حافظ سید محمدقاسم هاشمي د لیلیې د معاینې هیئت په ملتیا ددې پوهنتون د مرکزي لیلیې د پخلنځي او خوړنځي څخه لیدنه وکړه.
د لیدنې پر مهال نوموړي د پخلنځي د نظم او پاکۍ، خوراکي او سون توکو د کیفیت او وزنونو د څرنګوالي څخه څارنه وکړه او د محصلینو ستونزې او وړاندیزونه یې واورېدل.
نوموړي د لیلیې او پخلنځي مسؤلینو ته سپارښتنه وکړه، چې خوراکي توکي باید د تابلو سره سم په ښه کیفیت برابر او محصلینو ته توزیع شي او همدارنګه د پخلنځي، خوړنځي او د محصلینو د اوسېدو خونو پاکۍ او نظافت ته ځانګړې پاملرنه وشي، چې د اړوندو مسؤلینو له خوا ورته د اجرااتو ډاډ ورکړل شو.
