د ننګرهار پوهنتون د فوق لیسانس برنامو بورد ددې برنامو د مالي طرزالعمل په اړه غونډه وکړه.
په یاده کاري ناسته کې، چې د پوهنتون د علمي چارو مرستیال پوهندوی مــولوي احسان الله ناصح په مشرۍ ترسره شوه او د پوهنځیو په کچه د فوق لیسانس برنامو د کمېټو مسؤلینو په کې برخه لرله، د یادو برنامو د عوایدو او مصارفو په اړه لازم بحثونه وشول.
د غونډې پر مهال د فوق لیسانس برنامو د مناقشو، ژوري هیئت او تدریسي استادانو د حق الزحمو ارزونه وشوه او په اړه یې لازمې پرېکړې وشوې.
د غــونډې ګــډونوالو دغــه راز د فــوق لسانس برنامو د استادانو او محصلینو د عوایدو او مصارفو د مـختلفو اړخـونـو، ښه مدیریت او مالي طرزالعمل اصلاح په اړه خپل نظریات او وړاندیزونه شریک کړل.
سرچینه: د عامه اړیکو، اطلاعاتو او نشراتو آمریت
