د محصلانو چارو مرستیال د مرکزي لیلیې له خوړنځي څخه لیدنه وکړه.
د ننګرهار پوهنتون د محصلانو چارو مرستیال پوهنیار حافظ سید محمد قاسم هاشمي د محصلانو خدمتونو انسجام امر قاري بشير احمد احمدي او د یاد امریت یو شمېر غړو په ملتیا د دې پوهنتون د مرکزي لیلیې له خوړنځي څخه لیدنه وکړه.
د پوهنتون د محصلانو چارو مرستیال د لیدنې پر مهال د خوړنځي له پاکوالي، خوراکي توکو د کیفیت او څرنګوالي څخه څارنه وکړه او د محصلینو غوښتنې او وړاندیزونه یې واورېدل.
نوموړي د لیلیې او خوړنځي مسؤلینو ته سپارښتنه وکړه، چې خوراکي توکي باید په ښه کیفیت برابر او په منظم شکل محصلینو ته توزیع کړي، چې د اړوندو مسؤلینو له خوا د اجرااتو ډاډ ورکړل شو.
سرچینه: د عامه اړیکو، اطلاعاتو او نشراتو امریت
