ننګرهار پوهنتون کې د چاپېريال ساتنې او پاککارۍ کمپاين ترسره شو.

nu_admin
چهارشنبه ۱۴۰۱/۲/۲۸ - ۹:۵۸
image

 

یاد کمپاین د دې پوهنتون د حقوقو او سیاسي علومو پوهنځي د فرهنګي کمېټې په نوښت او د جلال آباد ښاروالۍ په تخنیکي مرسته د غويي په ۲۷مه ددې پوهنتون په مرکزي کمپس کې ترسره شو، چې د پوهنتون مشرتابه، استادانو او محصلینو په کې برخه لرله.

د ننګرهار پوهنتون رئيس پوهاند دوکتور خلیل احمد بهسودوال د کمپاین د پرانیستې پر مهال وویل: پاک چاپېریال د یوې ټولنې د عالي فرهنګ او ښه کلتور استازیتوب کوي، د حقوقو پوهنځي د مشرتابه، استادانو، محصلینو او د جلال آباد ښاروالۍ مننه کوو، چې دې کمپاین ته یې زمینه برابره کړه.

نوموړي وویل: پوهنتون د ټولو ګډ علمي کور دى او ددې کور پاک ساتل او خدمت د استاد، محصل او د پوهنتون د ټولو منسوبينو دنده ده.

د ننګرهار پوهنتون د محصلانو چارو مرستيال پوهنوال سيد اکرم هاشمي، د حقوقو او سیاسي علومو پوهنځي رئیس پوهندوی دوکتور رفیع الله عطاء او د جلال آباد ښاروالۍ د اوومې ناحيې آمر ډاکتر بريالى چلند نور ويناوال وو، چې ټولو په خپل وار د پاک چاپېريال فرهنګ دودولو پر ارزښت او اړتيا خبرې وکړې.

په پاى کې د پوهنتون مسؤلينو، محصلينو او استادانو په ګډه او ډله ييز شکل د پوهنتون په بېلابېلو برخو کې د پاکۍ کمپاين ترسره کړ.

تازه خبرونه

جمعه ۱۴۰۱/۴/۱۰ - ۸:۱۲
Background image

ننګرهار پوهنتون کې د پکتیکا او خوست ولایتونو زلزله ځپلو لپاره د مرستې راټولولو کمپاین په لړ کې یوه بهر مېشتي افغان مبصر طلعت د ۲۵ زره افغانیو مرسته وکړه.

 

ښاغلی طلعت، چې د انګلستان په هېواد کې اوسېږي، یاده مرسته یې ننګرهار پوهنتون ته رالېږلې وه، چې نن ورځ د پوهنتون د رئیس پوهاند دوکتور خلیل احمد بهسودوال له خوا د مرستې راټولولو کمپاین. . .

سه‌شنبه ۱۴۰۱/۴/۷ - ۸:۲۰
Background image

ننګرهار پوهنتون کې د پکتیکا او خوست ولایتونو زلزله ځپلو لپاره د مرستې راټولولو کمپاین پیل شو.

 

یاد کمپاین د ننګرهار پوهنتون د رئیس پوهاند دوکتور خلیل احمد بهسودوال، د لوړو زده کړو وزارت فوق العاده استازي او د پوهنتون د اداري او مالي چارو مرستیال پوهنیار قاضي خالد صداقت او د. . .

دوشنبه ۱۴۰۱/۴/۶ - ۸:۴۳
Background image

د ننګرهار پوهنتون مشرتابه پلاوي د طب او ښوونې او روزنې پوهنځیو د ازموینو بهیر نه لیدنه وکړه.

 

د ننګرهار پوهنتون رئیس پوهاند دوکتور خلیل احمد بهسودوال د لوړو زده کړو وزارت د فوق العاده استازي او د پوهنتون د اداري او مالي چارو مرستیال پوهنیار قاضي خالد صداقت او د محصلانو چارو. . .

BACK TO NEWS