ننګرهار پوهنتون کې د (لغتنا العربیة) تر سرلیک لاندې یو ورځنی علمي سیمینار ترسره شو.
یاد سیمینار د اردني عالم دکتور غازي بن احمد آل امریش له خوا د اقتصاد پوهنځي د غونډو تالار کې ترسره شو، چې د ادبیاتو پوهنځي د عربي ژبې او ادب څانګې د استادانو او محصلینو سربېره په کې د ننګرهار پوهنتون رهبرۍ، شرعیاتو پوهنځي استادانو او د دعوت او ارشاد آمریت مسؤلینو برخه لرله.
د سیمینار د ارایې پر مهال دکتور غازي د عربي ژبې او ادب په بېلابېلو اړخونو او همدارنګه د یادې ژبې د زده کړې د تقويي او مهارت لوړولو په اړه معلومات ورکړل او د ګډونوالو پوښتنې یې ځواب کړې.
سرچینه: د اړیکو، نشراتو او عامه پوهاوي آمریت
