ننګرهار پوهنتون کې د تعلیم الاسلام کتاب سیالۍ ګټونکي محصلین د یوې سترې غونډې په ترڅ کې تقدیر شول.

nu_admin
دوشنبه ۱۴۰۳/۲/۲۴ - ۱۱:۱۵
Picture

یاده ازموينه د لوړو زده کړو وزارت د محصلانو خدمتونو انسجام او همغږۍ ریاست په نوښت د غويي په ۱۷ مه نېټه اخیستل شوې وه، چې د دې پوهنتون د اړوندو پوهنځیو نږدې ۱۵۰۰ تنو محصلینو او ځوانانو په کې ګډون کړی ؤ.

په همدې موخه د ننګرهار پوهنتون جامع مسجد کې مراسم جوړ شوي ؤ، چې په کې د لوړو زده کړو سرپرست وزير او ورسره مل پلاوي، د ننګرهار مرستيال والي، د ننګرهار پوهنتون مشرتابه، د بېلابېلو پوهنځيو رئيسانو، استادانو، امرينو، د ولايتي ادارې مسؤلينو او سلګونه تنو محصلينو ګډون کړی و.

غونډې ته د وينا پر مهال د لوړو زده کړو سرپرست وزير جلالتمآب شـيــ/ــخ الحديث مــ/ــولوي نداء محمد نديم د عصري او تخصصي زده کړو تر څنګ د اسلامي تعليماتو په ارزښت او اهميت خبرې وکړې او محصلين يې د مسلکي زده کړو سربېره د ديني کتابونو مطالعې، علماوو او استادانو اطاعت او درناوي ته راوبلل.

picture

نوموړي د خپلو خبرو پر مهال د محصلينو تر منځ د دا ډول سياليو په جوړېدو خوښي وښوده، محصلين يې له هر راز فکري، مذهبي اختلافاتو او تبعيض څخه منع کړل او د استادانو او محصلينو تر منځ متقابل احترام باندې يې ټينګار وکړ.

همدارنکه هغه ژمنه وکړه، چې لوړو زده کړو وزارت په پام کې لري، چې د هېواد په کچه له ټولو پوهنتونونو څخه ممتاز محصلين غوره او له لنډې عملي روزنې وروسته يې د ياد وزارت تر چتر لاندې ادارو کې پر دندو وګماري.

د ننګرهار پــوهنتون رئيس شـــ/ــــيخ انعام الله مدني په خپلو خبرو کې د لوړو زده کړو وزارت له مشرتابه او مسؤلينو مننه وکړه، چې د محصلينو د فکري رغښت او تربيت لپاره يې مستقل بنسټونه رامنځ ته کړي او دغه ډول تربیتي او روزنیزې برنامې جوړوي.

نوموړي د محصلينو تر منځ د علمي سياليو جوړول د پټو استعدادونه رابرسېره کولو غوره چاره وبلله او زياته يې کړه، چې د محصلينو د دنيوي او اخروي ژوند روښانه کولو او د هغوی ظرفيت لوړونې برخه کې د ګټورو برنامو پلي کول د ننګرهار پوهنتون رهبرۍ له لومړيتوبونو څخه دي.

د غونډې پر مهال د ننګرهار پوهنتون د محصلانو چارو مرستيال پوهنيار حافظ سيد محمد قاسم هاشمي د محصلينو د ديني زده کړو او اصلاح په پار د تطبيق کړيو برنامو، لاسته راوړنو او راتلونکو پروګرامونو په اړه معلومات وړاندې کړل او د لوړو زده کړو وزارت له مشرتابه څخه يې ننګرهار پوهنتون کې د غونډو لپاره د يو ستر تالار د جوړېدو غوښتنه وکړه.

د ننګرهار ولایت مقام مرستیال مـــ/ـــولوي سعید احمد بنوري او د ننګرهار د علماوو شورا مشر شـــــ/یـــــخ حضرت جان او د لوړو زده کړو وزارت د محصلانو خدمتونو د انسجام او همغږۍ رئیس استاد کليم الله محمدي د غونډې نور ویناوال وو، چې د خپلو ویناوو پر مهال یې د دغه ډول روزنیزو برنامو او سیالیو په ارزښت خبرې وکړې، محصلین او ځوانان یې خپلو مسؤلیتونو ته ځیر او د اسلامي نظام ملاتړ ته راوبلل.

د غونډې په وروستۍ برخه کې د سیالۍ لومړي، دويم او درېيم مقام ګټونکو ته لپټاپ کمپيوټرونه او تر ۲۰ مقام پورې نور جوايز ورکړل شول.

سرچينه: د عامه اړيکو، اطلاعاتو او نشراتو امريت

تازه خبرونه

شنبه ۱۴۰۳/۳/۵ - ۸:۴۷
Background image

د لوړو زده کړو وزارت د اداري او زیربنا ریاست څخه راغلي پلاوي د ننګرهار پوهنتون له مشرتابه سره ولیدل.

یاد پلاوي، چې په تشکیل کې یې د لوړو زده کړو وزارت څلور تنه انجنیران شامل دي، د ننګرهار پوهنتون رئیس، مرستیالانو، د پوهنځیو رئیسانو او د تدارکاتو آمر سره د پوهنتون د شرعیاتو او حقوقو. . .

چهارشنبه ۱۴۰۳/۳/۲ - ۸:۳۹
Background image

ننګرهار پوهنتون کې د شـ.هید امــ/يرالمؤمنين ملا اختر محمد منصور (رحمه الله) د اتم تلین په مناسبت د قرانکريم ختم او ياد غونډه ترسره شوه.

په همدې پار د ننګرهار پوهنتون په جامع مسجد کې مراسم جوړ شوي و، چې په کې د ننګرهار پوهنتون د علمي چارو او محصلانو چارو مرستيالانو، د بېلابېلو پوهنځیو رئیسانو، استادانو او محصلینو ګډون. . .

سه‌شنبه ۱۴۰۳/۳/۱ - ۱۲:۳۲
Background image

د ننګرهار پوهنتون اقتصاد پوهنځي ۳۷ تنه محصلین د کمپیوټر زده کړو له روزنیز کورس څخه فارغ شول.

د کمپيوټر زده کړې یاد روزنیز کورس، چې د درې تنو استادانو له لوري په کې تدریس کېده، د اقتصاد پوهنځي (PDC) څانګې له خوا د پوهنځي ریاست سره په همغږۍ ۳ میاشتې وړاندې پیل شوی و او د اقتصاد. . .

BACK TO NEWS

User account menu