د ننګرهار پوهنتون ژبو او ادبیاتو او عامه ادارې او پالیسۍ پوهنځیو څخه ۱۶۱ تنه علمي کادرونه د ځانګړو مراسمو په ترڅ کې فارغ او ټولنې ته د خدمت په موخه وړاندې شول.

nu_admin
شنبه ۱۴۰۳/۳/۱۹ - ۱۲:۳۵
pic

د یادو علمي کادرونو له ډلې ۷۰ تنه د ژبو او ادبیاتو پوهنځي له پښتو، هندي او الماني څانګو او ۹۱ تنه د عامه ادارې او پالیسۍ پوهنځي له عامه ادارې، عامه پالیسۍ او پراختیا مدیریت څانګو څخه فارغ شول.
په همدې پار د ننګرهار پوهنتون په ادیتوریم، شرعیاتو پوهنځي د غونډو تالار او ستاره شرق هوټل کې مراسم جوړ شوي وو، چې په کې د ننګرهار پوهنتون مرستیالانو، د پوهنځيو رئیسانو، استادانو، فارغېدونکو محصلینو، د هغوی د کورنیو غړو او خپلوانو برخه اخیستې وه.
یادو فراغت غونډو ته د ویناوو پر مهال د ننګرهار پوهنتون د علمي چارو مرستیال پوهندوی مــ/ـــولوي احسان الله ناصح، د محصلانو چارو مرستیال پوهنیار حافظ سید محمد قاسم هاشمي او د اداري او مالي چارو مرستیال پوهنیار قاضي خالد صداقت فارغېدونکو علمي کادرونو او د هغوی کورنیو ته د دغه ستر ویاړ له کبله مبارکي وویله، هغوی یې د ګران هېواد ابادۍ او نظام ملاتړ ته راوبلل او د ماسترۍ او دوکتورا تر کچې زده کړو ترلاسه کولو ته یې وهڅول.
نوموړو له پوهنتون څخه فراغت لویه لاسته راوړنه یاده کړه، د فارغېدونکو محصلینو له کورنیو، استادانو او دوستانو یې مننه وکړه، چې تر دې مرحلې پورې یې د هغوی ملاتړ کړی او محصلینو ته یې په راتلونکو زده کړییزو چارو کې د استقامت، نوښت او ابتکار رامنځ ته کولو سپارښتنې وکړې او ځوانان یې نورو هېوادونو ته د تګ او مهاجرت څخه منع کړل.
د پوهنتون مرستیالانو دغه راز وویل : حکومت د علمي کادرونو او مسلکي اشخاصو د جذب لپاره ژمنتیا لري، دغه برخه کې ډېر پرمختګونه شوي او د ټولو تحصیل کرده ځوانانو له وړتیاوو، پوهې او تجاربو څخه به د هېواد په هر اړخیز پرمختګ کې ګټه واخیستل شي.
یادې غونډې د پوهنتون رهبرۍ غړو او استادانو له لوري فارغو محصلینو ته د تصدیق پاڼو په ورکړې سره پای ته ورسېدلې.
سرچینه: د عامه اړیکو، اطلاعاتو او نشراتو آمریت

تازه خبرونه

سه‌شنبه ۱۴۰۳/۴/۲۶ - ۲۰:۱۳
Background image

د ننګرهار پوهنتون د تضمین کیفیت مرکزي کمېټې غړو غونډه وکړه.

په یاده کاري ناسته کې، چې ددې پوهنتون د علمي چارو مرستیال په مشرۍ ترسره شوه، د تضمین کیفیت کمېټې په فعالیتونو، د پوهنځیو او څانګو ارزولو، د کمېټې د غړو روزلو او د پوهنتون د اعتبار. . .

سه‌شنبه ۱۴۰۳/۴/۲۶ - ۲۰:۱۰
Background image

ننګرهار پوهنتون کې د ښکلا او سرسبزۍ چارې په چټکۍ سره روانې دي.

یادې چارې، چې ددې پوهنتون د مشرتابه د لارښوونې او د پوهنتون د اداري او مالي چارو مرستیال تر مستقیمې څارنې لاندې د پوهنتون د اداري او خدماتي کارکوونکو له خوا جریان لري، په بشپړېدو سره به. . .

دوشنبه ۱۴۰۳/۴/۲۵ - ۱۴:۸
Background image

د ننګرهار پوهنتون او التقوی لوړو زده کړو موسسې تر منځ د ماسترۍ برنامو په برخه کې د ګډو همکاریو هوکړه لیک لاسليک شو.

د مسؤلينو په وينا، د ياد تفاهملیک له مخې به ننګرهار پوهنتون د التقوی لوړو زده کړو موسسې د حقوقو او سیاسي علومو او اقتصاد پوهنځیو کې د ماسترۍ د نویو برنامو د ایجاد په برخه کې همکاري کوي.. . .

BACK TO NEWS

User account menu