د ننګرهار پوهنتون څلور تنه علمي او اداري کارکوونکي وستایل شول.

nu_admin
یکشنبه ۱۴۰۱/۵/۳۰ - ۸:۴۲
image

 

د ننګرهار پوهنتون د مشرتابه له خوا د لوړو زده کړو وزارت د فوق العاده استازي او د ننګرهار پوهنتون د اداري او مالي چارو مرستیال پوهنیار قاضي خالد صداقت، د وترنري علومو پوهنځي استاد پوهنوال ډاکتر محمد ناظر فیصل، د کرنې پوهنځي د فارم آمر ګل آغا مبشر او د محصلانو خدمتونو انسجام امریت د روزنې مدیر عزیزالرحمن نیازي د اداري، علمي او رغنیزو خدمتونو قدردانی وشو.

یاد شخصیتونه د ننګرهار پوهنتون د اداري مجلس په نوبتي غونډه کې، چې د پوهنتون د رهبرۍ سربېره په کې د پوهنځیو او تدریسي روغتون رئیسانو او د ځینو اداري څانګو مسؤلینو برخه لرله، د ستاینلیکونو په ورکړې سره وستایل شول.

غونډې ته د وينا پر مهال د ننګرهار پوهنتون رئيس پوهاند دوکتور خلیل احمد بهسودوال په اداره کې د مکافاتو او مجازاتو د اصل په ارزښت خبرې وکړې او په اداري او تدریسي برخو کې یې د یادو مسؤلینو د ترسره کړیو خدمتونو یادونه او ستاینه وکړه.

نوموړي وويل: د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال پوهنیار قاضي خالد صداقت په تېر یوه کال کې د ننګرهار پوهنتون د علمي او تدریسي چارو د همغږۍ، اداري او مالي چارو د اصلاح، بیارغونې، چاپېریال ساتنې، ښکلا او سمسورتیا او نورو بېلابېلو برخو کې نه ستړي کېدونکې هلې ځلې او خدمتونه ترسره کړي، چې مونږ یې تقدیروو.

پوهاند بهسودوال زياته کړه: د وترنري علومو پوهنځي استاد پوهنوال ډاکتر محمد ناظر فیصل او د محصلانو خدمتونو انسجام امریت د روزنې مدیر عزیزالرحمن نیازي د څارونکي هیئت په توګه د مرکزي لیلیې د اعاشې او اباتې پورې د اړوندو چارو د اصلاح او سمونې او د کرنې پوهنځي د فارم آمر ګل آغا مبشر د یاد پوهنځي د تحقیقاتي فارمونو د معیاري کېدو او د پوهنتون د نورو برخو د سمسورتیا لپاره هلې ځلې کړي، چې مونږ یې قدردانی کوو او د الله تعالی له درباره ورته د اجر او بریاوو غوښتنه کوو.

د ستایل شویو په استازیتوب د اداري او مالي چارو مرستیال ښاغلي صداقت خبرې وکړې او د پوهنتون له مشرتابه یې مننه وکړه، چې د دوی کړنې يې وستايلې.

نوموړي د هېواد او ولس خدمت لویه نېکمرغي او سعادت وباله او ژمنه يې وکړه، چې په راتلونکې کې به هم د پوهنتون له مشرتابه او اړوندو څانګو سره خپلو همکاریو ته دوام ورکړي.

تازه خبرونه

دوشنبه ۱۴۰۴/۴/۱۶ - ۱۵:۱۲
Background image

د ننګرهار پوهنتون شرعیاتو پوهنځي او امام ابو حنیفه رحمه الله ديني تخصصاتو جامعې استادانو ته (د څېړنې اساساتو پېژندنه او مقاله لیکنې) تر سرلیک لاندې ۳ ورځنی ورکشاپ پیل شو.

یاد ورکشاپ، چې نن د ننګرهار پوهنتون څېړنو او علمي مجلو معاونیت په نوښت د پوهنتون مسلکي زده کړو پرمختايي مرکز (PDC) کې پیل شو، د روزنې چارې یې د همدې پوهنتون د شرعیاتو او حقوقو او سیاسي. . .

دوشنبه ۱۴۰۴/۴/۱۶ - ۱۵:۱۱
Background image

د ننګرهار پوهنتون محصلانو چارو مرستیال د خپلو اړوندو امرینو او پوهنځیو تدریسي مدیرانو سره غونډه وکړه.

د ختیځ زون امارتي او خصوصي پوهنتونونو لپاره د لوړو زده کړو وزارت د دعوت او ارشاد ریاست استازي او د ننګرهار پوهنتون د محصلانو چارو مرستیال شیخ شاکرالله وحدت د محصلانو چارو او محصلانو. . .

دوشنبه ۱۴۰۴/۴/۱۶ - ۱۵:۱۰
Background image

د ننګرهار پوهنتون تدریسي روغتون کې د خوارځواکو کوچنیانو د درملنې څانګه (TFU) له بیا رغاونې وروسته ګټې اخیستې ته ورسپارل شوه.

د روغتون د مسؤلینو په وینا، یاده څانګه د روغتیا نړیوال سازمان (WHO) په مالي مرسته د نږدې ۱۵۰۰۰ امریکايي ډالرو په لګښت د شلو ورځو په موده کې ترمیم او ګټې اخیستنې ته وسپارل شوه.

یاده. . .

BACK TO NEWS

User account menu