د ننګرهار پوهنتون کارکوونکو ته په جماعت سره د لمانځه ادا کولو د فضیلت په اړه دیني سیمینار وړاندې شو.

یاد سیمینار چې د پوهنتون د دعوت او ارشاد امریت له خوا اداري او خدماتي کارکوونکو ته  وړاندې شو، پر مهال یې د قرانکریم او نبوي احادیثو په رڼا کې د لمانځه حکم، جماعت سره لمونځ کولو اهمیت، ثوابونو او نه کولو وعیداتو په هکله تفصیلي معلومات وړاندې شول.

دغه سيمینار د ننګرهار پوهنتون د دعوت او ارشاد آمر مولوي اعجازالحق زَلِف وړاندې کړ او ویې ویل، چې په جماعت سره لمونځ د الله تعالی د رضا او زیات اجر ترلاسه کولو ترڅنګ د مسلمانانو ترمنځ د اتفاق او پیوستون سبب ګرځي.

نوموړي ټولو کارکوونکو ته سپارښتنه وکړه، چې د جمعې لمانځه ته ځانګړې پاملرنه وکړي، په جماعت سره د لمانځه اداء کول خپل منظم عادت وګرځوي او د اسلامي احکامو او ارزښتونو په رعایت سره د سالمې او متدینې ټولنې په جوړولو کې خپل رول ترسره کړي.

سرچینه: د نشراتو او عامه اړیکو امریت