د ننګرهار پوهنتون رهبرۍ د بېلابېلو پوهنځیو جدیدالشمول محصلینو ته په جوړو شویو غونډو کې برخه واخیسته.

nu_admin
شنبه ۱۴۰۳/۶/۳۱ - ۱۱:۳
picture

د ننګرهار پوهنتون رئیس او محصلانو چارو مرستیال د ژبو او ادبیاتو او ژورنالېزم او ارتباطاتو پوهنځیو جدیدالشمول محصلینو ته د ښه راغلاست او پوهنتون پېژندنې په موخه جوړو شویو غونډو کې ګډون وکړ او د یادو پوهنځیو نویو محصلینو ته یې د راتلونکي تحصیلي ژوند اړوند اړینې سپارښتنې وکړې.

picture


د ننګرهار پوهنتون رئیس شیخ انعام الله مدني او د محصلانو چارو مرستیال پوهنیار حافظ سید محمد قاسم هاشمي په خپلو خبرو کې د ننګرهار  پوهنتون د ارزښتونو، مقاصدو او معیارونو په اړه خبرې وکړې او جدیدالشمول محصلین یې د خپلو زده کړو پر مهال د پوهنتون له امکاناتو څخه سمې ګټې اخیستنې، استادانو درناوي، درسي بهیر کې د پوهنتون د اصولو رعایت او زده کړو کې زحمت ویستلو ته وهڅول.
نوموړو ژمنه وکړه، چې د محصلینو د ټولو حقوقو او علمي هڅو ملاتړ کوي او هغوی ته به د ښې روزنې  په موخه پرمختللي امکانات او سهولتونه برابر کړي.
د غونډو په پای کې د ننګرهار پوهنتون د محصلانو خدمتونو انسجام امریت مسؤلینو او د یادو پوهنځیو له خوا جدیدالشمول محصلینو ته د پوهنتون او پوهنځیو د مختلفو څانګو، خدماتو، سهولتونو او امکاناتو په اړه معلوماتي پرېزنټېشنونه وړاندې شول، چې نوي محصلین په ښه توګه وکولی شي په پوهنتوني ماحول کې خپل اهداف تعقیب او ښې لاسته راوړنې ولري.

تازه خبرونه

چهارشنبه ۱۴۰۴/۱/۶ - ۲۰:۵۹
Background image

د ننګرهار پوهنتون د نړیوالو ژورنالونو او علمي مجلو مسؤلینو ددې پوهنتون د څېړنو او علمي مجلو مرستیال په مشرۍ غونډه وکړه.

د غونډې پر مهال د نړیوالو ژورنالونو او علمي مجلو روانو چارو غوره مدیریت، اعتبار پیاوړتیا، د لوایحو سره سم د چارو ترسراوي، د تحریر هیئت په امتیازاتو، د مقالو منلو او خپرولو پروسې معیاري. . .

چهارشنبه ۱۴۰۴/۱/۶ - ۲۰:۵۶
Background image

د ژبو او ادبیاتو پوهنځي انګلیسي ژبې او ادب څانګې ماسترۍ برنامې تدریسي بهیر پیل شو.

د ننګرهار پوهنتون ژبو او ادبیاتو پوهنځي د انګلیسي ژبې او ادب څانګه کې (د انګلیسي تطبیقي ژبپوهنې) ماسترۍ د نوې ایجاد شوې برنامې د تدریسي بهیر پرانیسته وشوه. 

په یاده پرانیستغونډه کې د. . .

دوشنبه ۱۴۰۴/۱/۴ - ۱۱:۴۷
Background image

د نورستان محصلینو د چاپېریال سمسورتیا په موخه ننګرهار پوهنتون کې نیالګي کېنول.

د نورستان محصلینو علمي او فرهنګي ټولنې د پاک او زرغون چاپېریال تامین په پار د ننګرهار پوهنتون په بېلابېلو برخو کې لسګونه زینتي بوټي او ګلان وکرل او ویې ویل، چې په دې کار سره غواړي په. . .

BACK TO NEWS

User account menu