د ننګرهار پوهنتون رئیس ددې پوهنتون د بېلابېلو پوهنځیو د ازموینو له صحنو لیدنه وکړه.
د ننګرهار پوهنتون رئیس شـــ/یخ انعام الله مدني بېلابېلو پوهنځیو کې د روان تحصیلي کال د سمستر نهايي ازموینو له صحنو لیدنه وکړه او مسؤلینو ته یې د صحنو د غوره تنظیم، پوښتنپاڼو سم تشریح کولو او پر ټاکلي وخت د ازموینو اخیستلو په برخه کې لازمې لارښوونې وکړې.
نوموړي د ننګرهار پوهنتون شرعیاتو، حقوق او سیاسي علومو، انجنیري او ساینس پوهنځیو څخه د لیدنې پر مهال محصلینو ته د نظم او دسپلین د رعایت او استادانو ته د اصولو سره سم د ازموینو اخیستلو او په خپل وخت د پایلو د اعلان سپارښتنه وکړه.
سرچینه: د عامه اړیکو، اطلاعاتو او نشراتو امریت
