د ننګرهار پوهنتون د دوکتورا پروګرام لومړني فارغ خپل پایلیک دفاع کړ

nu_admin
سه‌شنبه ۱۳۹۹/۷/۲۹ - ۹:۱۹
image

 

پوهاند سید احمد فاطمي د ننګرهار پوهنتون د شرعیاتو پوهنځي د فقهې او قانون دوکتورا پروګرام د لومړۍ دورې د لومړني فارغ په توګه له خپل پایلیک څخه دفاع وکړه.

په همدې مناسبت د پوهنتون د غونډو په تالار کې یو لړ مراسم جوړ شوي وو، چې د پوهنتون او شرعیاتو پوهنځي د مشرتابه، استادانو او محصلانو سربېره په کې د کابل او ځینو نورو پوهنتونونو استادانو، علماوو، پوهانو، ولایتي چارواکو او قومي مخورو برخه لرله.

د ننګرهار پوهنتون رئیس پوهاند دوکتور خلیل احمد بهسودوال د دفاع غونډې د پرانیستې پر مهال خوښي وښوده، چې ننګرهار پوهنتون له لیسانس او ماستر وروسته د ډاکټر په سویه علمي کادرونه ټولنې ته وړاندې کوي.

نوموړي وویل: د فقهې او قانون څانګې دوکتورا پروګرام د هېواد په کچه د لومړي ځل لپاره د ننګرهار پوهنتون د شرعیاتو په پوهنځي کې په ۱۳۹۳لمریز کال کې رامنځته شو، چې تر دې دمه یې ۱۹ تنه په دوه دورو کې له تدریسي پروسې فارغ کړي، چې اوس مهال په رساله لیکنې بوخت دي او ۱۰ تنه نور په کې په درېیمه دوره کې په زده کړو بوخت دي.

پوهاند بهسودوال له اړوندې څانګې د Phd په سویه د علمي کادرونو فراغت د ننګرهار پوهنتون او د ټول هېواد لپاره د ویاړ او افتخار ځای وباله او زیاته یې کړه، چې د فوق لیسانس پروګرامونه به د پوهنتون نورو پوهنځیو ته هم وغځوي.

د ننګرهار ولايت مرستيال تميم عارف مومند ننګرهار پوهنتون د دې ولایت شمله وبلله، چې په وینا یې، تل یې دې سیمې او خلکو ته افتخارات راوړي، چې نننۍ فراغت غونډه يې بله ستره علمي لاسته راوړنه ده.

نوموړي سپارښتنه وکړه، چې دغه پوهنتون دې په مسلکي څېړنیز مرکز بدل شي، تر څو د هېواد په کچه څېړنې تر سره او بېلابېلو برخو کې ترې ګټه واخيستل شي.

د ننګرهار پوهنتون د شرعیاتو پوهنځي رئیس پوهاند دوکتور اسرارالحی منیب، د فقهې او قانون څانګې دوکتورا برنامې آمر پوهاند دوکتور دل آقا وقار او د کابل پوهنتون استاد پوهاند دوکتور ودیر صافی د غونډې نور ویناوال وو، چې د موضوع په تړاو یې خبرې وکړې.

د پروګرام په وروستۍ برخه کې پوهاند سید احمد فاطمي له خپل پایلیک دفاع وکړه او د ګډونوالو پوښتنې یې ځواب کړې، چې د ژوري هیئت له خوا یې دفاع مثبته ارزیابي شوه.

د یادونې وړ ده، چې ننګرهار پوهنتون د شرعیاتو، حقوقو او سیاسي علومو، ژبو او ادبیاتو او اقتصاد پوهنځیو کې د ماسترۍ ۵ او د دوکتورا یوه برنامه لري، چې ۳۷۳ تنه په کې په زده کړو بوخت دي او ۴۵۱ تنه یې په ذکر شویو څانګو کې فارغ او ټولنې ته د خدمت په موخه وړاندې کړي دي.

تازه خبرونه

شنبه ۱۳۹۹/۹/۸ - ۱۲:۴۷
Background image

د ننګرهار پوهنتون سولې مرکز په چوکاټ کې د کونړ سید جمال الدین افغاني په پوهنتون کې سولې مرکز په فعالیت پیل وکړ.

 

په هغه غونډه کې چې په همدې موخه د سیدجمال الدین پوهنتون د غونډو تالار کې جوړه شوې وه،د یاد پوهنتون رییس پوهنوال دوکتور محمد ګلاب عمري وویل:«د خوشحالۍ ځای دی چې د ننګرهار پوهنتون په. . .

پنجشنبه ۱۳۹۹/۹/۶ - ۹:۱۶
Background image

د ننګرهار پوهنتون علمي شورا نوبتي غونډه وکړه

 

د ننګرهار پوهنتون علمي شورا ددې پوهنتون د رئيس پوهاند دوکتور خليل احمد بهسودوال په مشرۍ نوبتي غونډه وکړه.

په نوموړي مجلس کې، چې د پوهنتون د علمي چارو مرستيال پوهندوى دوکتور محمد. . .

پنجشنبه ۱۳۹۹/۹/۶ - ۹:۱۳
Background image

د ننګرهار پوهنتون اداري او د تقرر او انفکاک مجلسونه ددې پوهنتون د رئيس پوهاند دوکتور خليل احمد بهسودوال په مشرۍ ترسره شول

 

په نوموړو کاري ناستو کې، چې د پوهنتون د علمي چارو مرستيال پوهندوى دوکتور محمد حامد کډوال، د محصلانو چارو مرستيال پوهندوى سيد اکرم هاشمي، د اداري او مالي چارو مرستیال حمیدالله احمدزي،. . .

BACK TO NEWS