د جيولوجي او کانونو اکتشاف انجنيري څانګې د څلورمې دورې فارغانو د پروژو دفاع لړۍ پیل شوه.

nu_admin
شنبه ۱۴۰۱/۳/۲۸ - ۹:۴۳
image

 

د ننګرهار پوهنتون د مسؤلينو په وينا، د ساينس پوهنځي له يادې څانګې په څلورمه دوره کې ۶۶ تنه فارغېږي.

په همدې مناسبت د ساينس پوهنځي تالار کې غونډه جوړه شوې وه، چې د ننګرهار پوهنتون د علمي چارو مرستیال پوهنمل احسان الله ناصح، د محصلانو چارو مرستیال پوهنوال سید اکرم هاشمي، د ساينس پوهنځي رئیس پوهنیار رفیع الله رفیع او د یاد پوهنځي استادانو او محصلينو په کې برخه لرله.

غونډې ته د وينا پر مهال د ننګرهار پوهنتون د علمي چارو مرستیال پوهنمل احسان الله ناصح وويل: افغانستان د کانونو او معدنونو له پلوه د سيمې په کچه غني هېواد دى، چې د استخراج لپاره يې مسلکي کادرونو ته اړتيا ده.

هغه زياته کړه: د خوښۍ ځاى دى، چې ننګرهار پوهنتون نن ورځ د جيولوجي او کانونو اکتشاف انجنيري مسلک کې ۶۶ تنه انجنیران فارغ او ټولنې ته د خدمت په موخه وړاندې کوي.

نوموړي فارغانو او د هغوى کورنيو ته مبارکي وویله او زیاته یې کړه، چې د پوهنتون اداره به د وخت اړتیاوو ته په کتلو به د یادې څانګې د پرمختګ او پراختیا لپاره هلې ځلې وکړي.

د محصلانو چارو مرستیال پوهنوال سید اکرم هاشمي او د ساينس پوهنځي رئیس پوهنیار رفیع الله رفیع د غونډې نور ویناوال وو، چې په خپلو خبرو کې یې د جيولوجي او کانونو اکتشاف انجنيري څانګې پر ارزښت خبرې وکړې او په ياده برخه کې يې د لسګونو محصلينو فراغت ستره لاسته راوړنه وبلله.

نوموړو له فارغانو غوښتنه وکړه، چې خپل فراغت وروستى ونه ګڼي او په اړونده څانګه کې لا زياتې زده کړې وکړي، تر څو د هېواد د کانونو د استخراج په برخه کې شته تشه ډکه کړي.

د غونډې په دويمه برخه کې د محصلينو د ترسره کړیو تحقیقاتو د دفاع لړۍ پيل شوه، چې د هېواد د بېلابېلو سیمو د کانونو او قیمتي کاڼو د ارزښت، څرنګوالي او څومره والي، پروسس او استخراج د مواردو په اړه یې ترسره کړي وو.

تازه خبرونه

جمعه ۱۴۰۱/۴/۱۰ - ۸:۱۲
Background image

ننګرهار پوهنتون کې د پکتیکا او خوست ولایتونو زلزله ځپلو لپاره د مرستې راټولولو کمپاین په لړ کې یوه بهر مېشتي افغان مبصر طلعت د ۲۵ زره افغانیو مرسته وکړه.

 

ښاغلی طلعت، چې د انګلستان په هېواد کې اوسېږي، یاده مرسته یې ننګرهار پوهنتون ته رالېږلې وه، چې نن ورځ د پوهنتون د رئیس پوهاند دوکتور خلیل احمد بهسودوال له خوا د مرستې راټولولو کمپاین. . .

سه‌شنبه ۱۴۰۱/۴/۷ - ۸:۲۰
Background image

ننګرهار پوهنتون کې د پکتیکا او خوست ولایتونو زلزله ځپلو لپاره د مرستې راټولولو کمپاین پیل شو.

 

یاد کمپاین د ننګرهار پوهنتون د رئیس پوهاند دوکتور خلیل احمد بهسودوال، د لوړو زده کړو وزارت فوق العاده استازي او د پوهنتون د اداري او مالي چارو مرستیال پوهنیار قاضي خالد صداقت او د. . .

دوشنبه ۱۴۰۱/۴/۶ - ۸:۴۳
Background image

د ننګرهار پوهنتون مشرتابه پلاوي د طب او ښوونې او روزنې پوهنځیو د ازموینو بهیر نه لیدنه وکړه.

 

د ننګرهار پوهنتون رئیس پوهاند دوکتور خلیل احمد بهسودوال د لوړو زده کړو وزارت د فوق العاده استازي او د پوهنتون د اداري او مالي چارو مرستیال پوهنیار قاضي خالد صداقت او د محصلانو چارو. . .

BACK TO NEWS