ننګرهار پوهنتون کې د کتاب لوستنې دوه ورځنی نندارتون جوړ شو.

nu_admin
چهارشنبه ۱۴۰۱/۱۲/۱۷ - ۱۰:۳
PIC

یاد نندارتون د ننګرهار پوهنتون، جلال آباد ښاروالۍ او اطلاعاتو او کلتور ریاست په نوښت او د افغان بيسیم مخابراتي شرکت په مالي او تخنیکي مرسته ددې پوهنتون مخې ته په نوې جوړې شوې پلې لارې (پیاده رو) جوړ شوی، چې دوه ورځې به دوام وکړي.

په همدې مناسبت د کب په ۱۶مه نېټه ننګرهار پوهنتون کې پرانیستغونډه جوړه شوې وه، چې د دې پوهنتون د مشرتابه، استادانو او محصلانو سربېره په کې د جلال آباد ښاروالۍ، اطلاعاتو او کلتور، افغان بیسیم مخابراتي شرکت او د ولایتي ادارې یو شمېر رئیسانو او مسؤلینو برخه لرله.

د غونډې د پرانیستې او ښه راغلاست وینا پر مهال د ننګرهار پوهنتون د علمي چارو مرستیال پوهندوی احسان الله ناصح د کتاب لوستنې او مطالعې فرهنګ په دودولو او عامولو کې ددغه ډول نندارتونونو د جوړېدو په ارزښت خبرې وکړې او ګډونوال محصلین او ځوانان یې کتاب لوستنې او مطالعې ته راوبلل.

نوموړي د جلال آباد ښاروالۍ، اطلاعاتو او کلتور او د افغان بيسیم مخابراتي شرکت له مسؤلینو مننه وکړه، چې د پوهنتون ادارې سره په ګډه یې یاده ګټوره برنامه جوړه کړه.

د جلال آباد ښاروالۍ مرستیال م/ولوي مؤمن حمید، د اطلاعاتو او کلتور رئیس قاري نورمحمد حنیف، د کډوالو چارو رئیس اکرام الدین مفتون، د جلال اباد ښاروالۍ د تخنیکي او سکتوري چارو رئیس انجنیر عبیدالله شېرزاد، د اصنافو اتحادیې رئیس بازمحمد ځوانمل او د افغان بیسیم مخابراتي شرکت د ننګرهار سیمه ییز دفتر مسؤل عطاءالله ساحل د غونډې نور ویناوال وو، چې په خپلو خبرو کې یې د یاد نندارتون په جوړېدلو خوښي وښوده او هغه یې په ټولنه کې د مطالعې فرهنګ عامولو په برخه کې اغېزمن وباله.

د غونډې په پای کې د مشرانو او مسؤلینو له خوا د پټۍ په پرې کولو سره نندارتون رسماً پیل شو، چې سلګونو تنو محصلینو او ځوانانو د بېلابېلو مسلکونو د اېښودل شویو کتابونو نه لیدنه وکړه.

تازه خبرونه

سه‌شنبه ۱۴۰۳/۱/۱۴ - ۱۶:۴۱
Background image

د ننګرهار پوهنتون محصلینو له لوري جوړه شوې ډرون الوتکه نندارې ته وړاندې شوه.

د ننګرهار پوهنتون ساینس پوهنځي ریاضي څانګې څلورم ټولګي محصلینو له لوري جوړې شوې ډرون الوتکې ته نن د پوهنتون د رهبرۍ غړو، استادانو او راغلو مېلمنو په حضور کې بریالۍ ازمايښتي الوتنه ورکړل. . .

یکشنبه ۱۴۰۳/۱/۵ - ۸:۵۴
Background image

ننګرهار پوهنتون کې د یوه مجهز څېړنیز مرکز د جوړېدو چارې پیل شوې.

د یاد مرکز وداني د ننګرهار پوهنتون رهبرۍ په هلو ځلو او د شهید افسر خان ستانکزي خيريه بنسټ له لوري د ۱۵ میلیونه افغانیو په مالي لګښت د اړینو عصري تجهیزاتو په لرلو سره په ۳ پوړونو کې. . .

دوشنبه ۱۴۰۲/۱۱/۲۳ - ۲۲:۸
Background image

د ننګرهار پوهنتون په نوښت جوړ شوی اقليم بدلون نړيوال کنفرانس پای ته ورسېد.

ياد کنفرانس چې د سلواغې په ۲۱ نېټه پيل او درې ورځې يې دوام وکړ، د وروستۍ ورځې په مناسبت يې د ښېوې ولسوالۍ اړوند ناکامورا پارک کېيي مراسم جوړ شوي وو، چې په کې د ننګرهار پوهنتون رئيس او. . .

BACK TO NEWS