ننګرهار پوهنتون کې ۲۱ تنه محصلين د عملي حقوقي زده کړو په برخه کې وروزل شول.

nu_admin
یکشنبه ۱۳۹۹/۷/۲۷ - ۹:۱۸
image

 

د شرعياتو پوهنځي يادې نجونې محصلينې د افغانستان د نړیوال حقوقي بنیاد په مرسته د پوهنتون د حقوقي کلينيک په ۲۳ دوره کې له درېو مياشتو عملي زده کړو وروسته فارغې شولې.

په همدې اړه د شرعیاتو پوهنځي د امام ابوحنیفه (رح) د غونډو په تالار کې غونډه جوړه شوې وه، چې د ننګرهار پوهنتون د مشرتابه، د شرعیاتو او حقوقو پوهنځيو رئیسانو او استادانو، محصلینو او د افغانستان د نړیوال حقوقي بنیاد او د پوهنتون د حقوقي کلنیک مسؤلینو په کې برخه لرله.

غونډې ته د وينا پر مهال د ننګرهار پوهنتون رئيس پوهاند دوکتور خلیل احمد بهسودوال وويل: د خوښۍ ځاى دى، چې د ننګرهار پوهنتون د شرعياتو پوهنځي محصلينو ته د تیوري او نظري زده کړو تر څنګ د عملي زده کړو زمينه هم برابره شوې ده.

هغه زياته کړه: د قانون د بهتر تطبيق لپاره اړينه ده، چې زمونږ کادرونه او فارغان د نظري زده کړو تر څنګ عملي زده کړې هم وکړي.

پوهاند بهسودوال د افغانستان د نړیوال حقوقي بنیاد (ILF-A) د ننگرهار سیمه ییز دفتر له مشرتابه مننه وکړه، چې د محصلینو په عملي روزنه کې له ننګرهار پوهنتون سره همکاري کوي او غوښتنه یې وکړه، چې د روزنیزو دورو او محصلینو شمېر باید زیات کړي، تر څو د شرعیاتو او حقوقو پوهنځیو ټول محصلین له دې زده کړو برخمن شي.

د شرعیاتو پوهنځي رئیس پوهاند دوکتور اسرارالحی منیب او د افغانستان د نړیوال حقوقي بنیاد (ILF-A) د ننګرهار د سیمه ییز دفتر مشر عبدالواحد میاخېل د غونډې نور ویناوال وو، چې په ټولنه کې د مدافع وکیل او وکالت پر اړتیا، ارزښت او شرعي اړخ یې خبرې وکړې.

د غونډې په پاى کې د محصلينو له خوا تمثيلي محاکمه ترسره شوه او په فارغو ګډونوالو تصديقونه وويشل شول.

تازه خبرونه

یکشنبه ۱۳۹۹/۷/۲۷ - ۹:۱۹
Background image

ننګرهار پوهنتون کې د رهبرۍ روزنیز ورکشاپ پیل شو

 

یاد ورکشاپ، چې د لوړو زده کړو د پرمختګ پروګرام (HEDP) په نوښت د پوهنتون د مسلکي زده کړو پرمختیايي مرکز کې جوړ او ۶ ورځې به دوام وکړي، د پوهنتون د اړوندو پوهنځیو رئیسان، مرستیالان او. . .

یکشنبه ۱۳۹۹/۷/۲۷ - ۹:۱۸
Background image

ننګرهار پوهنتون کې ۲۱ تنه محصلين د عملي حقوقي زده کړو په برخه کې وروزل شول.

 

د شرعياتو پوهنځي يادې نجونې محصلينې د افغانستان د نړیوال حقوقي بنیاد په مرسته د پوهنتون د حقوقي کلينيک په ۲۳ دوره کې له درېو مياشتو عملي زده کړو وروسته فارغې شولې.

په همدې اړه د. . .

چهارشنبه ۱۳۹۹/۷/۲۳ - ۸:۵۸
Background image

د ننګرهار پوهنتون فرهنګي کمېټې غونډه وکړه

 

د ننګرهار پوهنتون فرهنګي کمېټې ددې پوهنتون د محصلانو چارو مرستیال پوهندوی سید اکرم هاشمي په مشرۍ غونډه وکړه.

په یاده غونډه کې، چې د پوهنتون د اړوندو پوهنځیو استازو په کې برخه لرله،. . .

BACK TO NEWS