ننګرهار پوهنتون کې د سولې نړیواله ورځ ونمانځل شوه

nu_admin
پنجشنبه ۱۳۹۹/۷/۳ - ۱۱:۵۴
image

 

د سپتمبر ٢١مه د سولې نړيواله ورځ ننګرهار پوهنتون کې د انځوریز نندارتون، تمثیلي پارچو او مشاعرې په ترڅ کې ونمانځل شوه.

ياد مراسم، چې د دې پوهنتون سولې مرکز په نوښت جوړ شوي وو، د ننګرهار پوهنتون رئيس پوهاند دوکتور خليل احمد بهسودوال، د محصلانو چارو مرستيال پوهندوى سيد اکرم هاشمي، د سولې مرکز مشر پوهنمل نعيم جان سروري او د يو شمېر پوهنځیو استادانو او محصلانو په کې برخه لرله.

د ننګرهار پوهنتون رئيس پوهاند دوکتور خليل احمد بهسودوال د يادو مراسمو د پرانيستې پر مهال د سولې د نړيوالې ورځې د نمانځې په تاريخي شاليد او په همدې مناسبت د مثبتو پروګرامونو د جوړېدو په ارزښت او اړتيا خبرې وکړې.

نوموړي وويل: د خوښۍ ځاى دى، چې ننګرهار پوهنتون د علمي پروګرامونو تر څنګ د ټولنيزې سولې او د سوله ييز ذهنيت د خپراوي وياړ هم لري.

ښاغلي بهسودوال د ننګرهار پوهنتون سولې مرکز له مشرتابه او غړو استادانو او محصلينو مننه وکړه، چې د خپلو علمي او تدريسي مکلفيتونو سربېره د ټولنيزې سولې د ټينګښت لپاره هلې ځلې کوي.

د ننګرهار پوهنتون د محصلانو چارو مرستيال پوهندوى سيد اکرم هاشمي او د سولې مرکز مشر پوهنمل نعيم جان سروري نور ويناوال وو، چې د يادو مراسمو او پروګرامونو په ارزښت يې خبرې وکړې.

په پاى کې د سولې په اړه ترتیب شوې مشاعره ترسره شوه او په همدې تړاو تمثيلي پارچې او انځوریز نندارتون نندارې ته وړاندې شول.

تازه خبرونه

یکشنبه ۱۳۹۹/۷/۲۷ - ۹:۱۹
Background image

ننګرهار پوهنتون کې د رهبرۍ روزنیز ورکشاپ پیل شو

 

یاد ورکشاپ، چې د لوړو زده کړو د پرمختګ پروګرام (HEDP) په نوښت د پوهنتون د مسلکي زده کړو پرمختیايي مرکز کې جوړ او ۶ ورځې به دوام وکړي، د پوهنتون د اړوندو پوهنځیو رئیسان، مرستیالان او. . .

یکشنبه ۱۳۹۹/۷/۲۷ - ۹:۱۸
Background image

ننګرهار پوهنتون کې ۲۱ تنه محصلين د عملي حقوقي زده کړو په برخه کې وروزل شول.

 

د شرعياتو پوهنځي يادې نجونې محصلينې د افغانستان د نړیوال حقوقي بنیاد په مرسته د پوهنتون د حقوقي کلينيک په ۲۳ دوره کې له درېو مياشتو عملي زده کړو وروسته فارغې شولې.

په همدې اړه د. . .

چهارشنبه ۱۳۹۹/۷/۲۳ - ۸:۵۸
Background image

د ننګرهار پوهنتون فرهنګي کمېټې غونډه وکړه

 

د ننګرهار پوهنتون فرهنګي کمېټې ددې پوهنتون د محصلانو چارو مرستیال پوهندوی سید اکرم هاشمي په مشرۍ غونډه وکړه.

په یاده غونډه کې، چې د پوهنتون د اړوندو پوهنځیو استازو په کې برخه لرله،. . .

BACK TO NEWS