ننګرهار پوهنتون شرعیاتو پوهنځي کې د دکتورا پروګرام دفاع غونډه جوړه شوه.

nu_admin
یکشنبه ۱۴۰۰/۷/۴ - ۱۰:۲۶
image

 

د ننګرهار پوهنتون د شرعیاتو پوهنځي استاد پوهندوی همایون حامد د یاد پوهنځي د فقهې او قانون دکتورا پروګرام د لومړۍ دورې سکالر له خپل پایلیک څخه په بریالي ډول دفاع وکړه.

په همدې مناسبت د ننګرهار پوهنتون د محصلانو خدمتونو د انسجام آمریت د غونډو په تالار کې مراسم جوړ شوي وو، چې د ننګرهار پوهنتون رئیس پوهاند دوکتور خلیل احمد بهسودوال، د علمي چارو مرستیال پوهندوی دوکتور محمد حامد کډوال، د محصلانو چارو مرستیال پوهنوال سید اکرم هاشمي، د افغانستانو د دکتورانو ټولنې (ادا) رئیس پوهنوال دوکتور عبدالمتین شهیدي او د یادې ټولنې یو شمېر غړو، د شرعیاتو پوهنځي رئیس پوهاند دوکتور اسرارالحی منیب او د یاد پوهنځي او د پوهنتون د ځینو نورو پوهنځیو استادانو، علماوو او پوهانو په کې برخه لرله.

د غونډې ویناوالو د ننګرهار پوهنتون شرعیاتو پوهنځي د فقهې او قانون څانګې څخه د PhD په سویه د علمي کادرونو فراغت د ننګرهار پوهنتون او ټول هېواد لپاره د ویاړ او افتخار ځای وباله او له اړوندو مسؤلینو یې د یاد او ورته نورو اکاډمیکو برنامو د ملاتړ او پیاوړتیا غوښتنه وکړه.

د غونډې په دویمه برخه کې ښاغلي پوهندوی همایون حامد د (تاصیل الحقوق العینیة الواردة في القانون المدني الافغاني) تر سرلیک لاندې له خپل پایلیک دفاع وکړه او د ګډونوالو پوښتنې یې ځواب کړې، چې د ژوري هیئت له خوا یې دفاع مثبته ارزیابي شوه.

د یادونې وړ ده، چې د ننګرهار پوهنتون د شرعیاتو پوهنځي د فقهې او قانون څانګې دکتورا پروګرام په ۱۳۹۳ لمریز کال کې رامنځته شوی، چې اوس مهال په کې ۱۰ تنه په زده کړو بوخت دي او ۱۹ تنه یې په دوه دورو کې له تدریسي پروسې فارغ کړي دي.

تازه خبرونه

یکشنبه ۱۴۰۱/۵/۲۳ - ۸:۲۴
Background image

ننګرهار پوهنتون کې (د مور په شېدو سره د ماشوم د تغذیې اوونۍ) د يوې سترې غونډې په ترڅ کې ونمانځل شوه.

 

ياده نمانځغونډه، چې د دې پوهنتون د طب پوهنځي فرهنګي کمېټې له خوا د سپین غر لوړو زده کړو موسسې په تخنیکي مرسته جوړه شوې وه، د ننګرهار پوهنتون او طب پوهنځي د مشرتابه او استادانو سربېره. . .

یکشنبه ۱۴۰۱/۵/۲۳ - ۸:۲۰
Background image

د جلال آباد ښاروالۍ د تخنیکي او سکتوري چارو رئیس د ننګرهار پوهنتون مشرتابه سره ولیدل.

 

د جلال آباد ښاروالۍ د تخنیکي او سکتوري چارو رئیس انجنیر دوست محمد چهاردیوال د ننګرهار پوهنتون رئیس پوهاند دوکتور خلیل احمد بهسودوال سره ولیدل.

په یاده لیدنه کې، چې د لوړو زده کړو. . .

دوشنبه ۱۴۰۱/۵/۱۷ - ۱۰:۹
Background image

په ختیځ کې د دولتي او خصوصي پوهنتونونو مسؤلینو او استادانو د ملګرو ملتونو له خوا د لوړو زده کړو پر سرپرست وزیر د لګېدلو بندیزونو په غبرګون کې اعتراضیه غونډه وکړه.

 

یاد کنفرانس، چې د محرم په ۹مه نېټه د ننګرهار پوهنتون په کوربتوب ترسره شو، ویناوالو یې د غندنې تر څنګ د هېواد په تحصیلي نظام د یادو بندیزونو د ناوړه اغېزو او بدو پایلو په اړه مقالې او. . .

BACK TO NEWS