د ننګرهار پوهنتون وترنري علومو پوهنځي نوی رئيس د نوموړي پوهنځي استادانو او منسوبينو ته وروپېژندل شو.

nu_admin
دوشنبه ۱۴۰۳/۳/۲۱ - ۱۳:۵۲
Picture

پوهندوی رضوان الله ممله وال د نوموړي پوهنځي د نوي رئيس په توګه له ټاکل کېدو وروسته رسماً د پوهنتون د رئيس شـیخ انعام الله مدني له لوري د اړوند پوهنځي استادانو او اداري کارکوونکو ته وروپېژندل شو.
په همدې پار د وترنري علومو پوهنځي ریاست کې غونډه جوړه شوې وه، چې د ننګرهار پوهنتون د رئيس سربېره په کې د علمي چارو او محصلانو چارو مرستیالانو، د وترنري علومو پوهنځي پخواني او نوي رئیس، د یاد پوهنځي استادانو، د پوهنتون یو شمېر آمرینو او مدیرانو برخه درلوده.
غونډه د ننګرهار پوهنتون د رئيس شیخ انعام الله مدني په پرانيستونکې وينا پيل شوه. نوموړي په متحد او ګډ شکل د کار کولو پر اهمیت او ګټو خبرې وکړې او زیاته یې کړه، چې هڅه کوي د یاد پوهنځي تر څنګ د ټولو پوهنځیو اړتیاوې او ستونزې حل کړي.
هغه زياته کړه: د پوهنتون او وزارت رهبرۍ اړينه وبلله، چې د وترنري علومو پوهنځي د لاښه والي او مثبت بدلون لپاره يو لړ ګامونه پورته کړي، چې په همدې لړ کې یې د یاد پوهنځي د ریاست او رهبرۍ چارې ښاغلي ممله وال ته وسپارلې.
د پوهنتون رئیس چوکۍ او منصب امتياز نه، بلکې ستر مسؤليت او امانت وباله او ښاغلي ممله وال ته يې د نوي مسؤليت د مبارکۍ تر څنګ د پخوانيو مسؤليتونو په څېر د هغې د ښه ترسراوي هيله څرګنده کړه.
د پوهنتون رئيس د وترنري علومو د تېر سرپرست رئيس پوهنمل محمد یونس وزیري د کړنو او هلو ځلو د ستاينې ترڅنګ نوموړي ته د لوى خداى ج له درباره د اجر غوښتنه وکړه. 
د غونډې پر مهال د ننګرهار پوهنتون د علمي چارو مرستیال پوهندوی مــولوي احسان الله ناصح، د وترنري علومو پوهنځي مرستیال او استادانو نوي رئیس ته مبارکي وويله او نوموړي ته یې د مرستې او همکارۍ ډاډ ورکړ.
د غونډې په پاى کې د وترنري علومو پوهنځي نوي رئيس پوهندوی رضوان الله ممله وال خبرې وکړې او د پوهنتون د رياست او وزارت مقام له مشرتابه څخه يې مننه وکړه، چې په نوموړي یې ددې ستر مسؤليت باور وکړ او ژمنه يې وکړه، چې د پخوا په څېر به د پوهنتون له ادارې سره همکار او همغږى وي او د پوهنځي د لاښه والي او معياري کېدو په موخه به نه ستړي کېدونکې هلې ځلې وکړي. 
سرچینه : د عامه اړیکو، اطلاعاتو او نشراتو امریت

تازه خبرونه

شنبه ۱۴۰۳/۶/۱۷ - ۱۳:۲
Background image

د ننګرهار پوهنتون مشرتابه دې پوهنتون کې د تدریسي بهیر د بیا پیل سره سم له ټولو پوهنځیو څخه لیدنه وکړه.

د ننګرهار پوهنتون رئیس شیخ انعام الله مدني ددې پوهنتون د اداري او مالي چارو مرستیال پوهنیار قاضي خالد صداقت په ملتیا د نوي سمستر د پیل کېدو سره سم له  ټولو پوهنځیو څخه د لیدنې پر مهال د. . .

چهارشنبه ۱۴۰۳/۶/۱۴ - ۱۵:۸
Background image

د ننګرهار پوهنتون د محصلانو چارو مرستیال ددې پوهنتون مشرتابه سره کندهار ولایت ته د خپل سفر راپور شریک کړ.

د ننګرهار پوهنتون د محصلانو چارو مرستیال ددې پوهنتون د دعوت او ارشاد آمریت مسؤلینو، دوه تنو استادانو او (۱۵۲) تنو ممتازو محصلینو په ملتیا کندهار ولایت ته ۱۵ ورځنی سفر او علمي سیر درلود،. . .

چهارشنبه ۱۴۰۳/۶/۱۴ - ۱۵:۳
Background image

ختیځ کې د افغان بیسیم مخابراتي شرکت مسؤلینو د ننګرهار پوهنتون له مشرتابه سره ولیدل.

ددې لیدنې پر مهال چې په کې د ننګرهار پوهنتون د علمي چارو مرستیال پوهندوی مولوي احسان الله ناصح  او د اداري او مالي چارو مرستیال پوهنیار قاضي خالد صداقت هم موجود وو، راتلونکي کې د دواړو. . .

BACK TO NEWS

User account menu