د ننګرهار پوهنتون منسوبینو ته د دیني او اصلاحي درسونو لړۍ دوام لري.
یاد درسونه د دعوت او ارشاد آمریت له خوا ددې پوهنتون محصلینو، مامورینو، اداري او خدماتي کارکوونکو ته د درسي او اداري مکلفیتونو تر څنګ په بېلابېلو وختونو کې ورکول کېږي.
په همدې سلسله کې اداري او خدماتي کارکوونکو ته د تېرې ورځې درس پر مهال د قرض ورکولو اجر او ثواب او نن د ایمان او عقیدې په اړه خبرې وشوې.
دغه راز هر سهار په اوه نیمو بجو د پوهنتون په جامع مسجد کې یادو کارکوونکو ته د قران عظیم الشان ترجمه هم کیږي، چې تر (آل عمران سورة) پورې تدریس شوی دی.
د دیني او اصلاحي درسونو یاده لړۍ د پوهنتون د دعوت او ارشاد آمر مــ/ولوي مهربان شاه مدني او د یاد آمریت مرستیال مــ/ولوي نجیب الله ثاقب له خوا پر مخ وړل کیږي، چې پر مهال يې د ګډونوالو پوښتنو ته ځوابونه هم ویل کیږي.
سرچینه: د عامه اړیکو، اطلاعاتو او نشراتو آمریت
