د ننګرهار پوهنتون د روان تحصیلي کال د دویم سمستر درسونه به د سنبلې په ۱ نېټه پیل شي.

nu_admin
یکشنبه ۱۴۰۱/۵/۳۰ - ۸:۴۳
image

 

یاده پرېکړه د لوړو زده کړو وزارت د لېږل شوې طرحې له مخې د ننګرهار پوهنتون د اداري، تقرر او انفکاک مجلسونو په هغه غونډه کې وشوه، چې د اسد په ۲۹مه نېټه ددې پوهنتون د رئيس پوهاند دوکتور خليل احمد بهسودوال په مشرۍ د پوهنتون په ریاست مقام کې ترسره شول.

په نوموړو کاري ناستو کې د پوهنتون د مشرتابه سربېره د لوړو زده کړو وزارت فوق العاده استازي، د علمي چارو او محصلانو چارو مرستیالانو، د بېلابېلو پوهنځيو او تدریسي روغتون رئيسانو او ځینو اداري امرینو برخه لرله.

د ننګرهار پوهنتون رئيس پوهاند دوکتور خليل احمد بهسودوال د مجلس د پرانیستې پر مهال د پوهنځیو رئیسانو او نورو اړوندو مسؤلینو ته د درسونو د پیل لپاره د بشپړ چمتووالي او اړینو تدابیرو نیولو سپارښتنه وکړه.

نوموړي د مجلس برخوالو مسؤلینو ته لارښوونه وکړه، چې د تدریسي بهیر مهال وېش او حاضرۍ جوړې او همدارنګه د درسي خونو، لیلیو، برېښنا او نورو اړینو وسایلو د چمتووالي په برخه کې عاجل اقدامات ترسره کړي، چې د هغوی له خوا ورته د اجرااتو ډاډ ورکړل شو.

د مجلس په دویمه برخه کې د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال پوهنیار قاضي خالد صداقت د تېر اداري مجلس د پرېکړو له مخې د ترسره شویو اجرااتو ګزارش وړاندې کړ او د پوهنځیو له مسؤلینو یې د تېرې ربعې د فعالیتونو د راپور شریکولو غوښتنه وکړه.

د علمي چارو مرستیال پوهندوی احسان الله ناصح او د محصلانو چارو مرستیال پوهنیار طیب الله زاهد د HEMIS په انلاین سیستم کې د محصلینو، استادانو او کریکولم اړوند ټولو موادو د ځای پر ځای کولو او په یاده برخه کې د تدریسي او اجرائیه مدیرانو تر څنګ د استادانو په فعالې ونډې اخیستلو تاکید وکړ.

د مجلس په وروستۍ برخه کې د ننګرهار، کونړ سید جمال الدین افغاني، نورستان او الفلاح پوهنتونونو د تقرر، مجدد تقرر او انفکاک ۷ کیسونو او نورو متفرقه مسایلو په اړه بحث او پرېکړې وشوې.

تازه خبرونه

سه‌شنبه ۱۴۰۱/۷/۵ - ۱۲:۴۲
Background image

د ننګرهار پوهنتون مشرتابه د علمي تحقیقاتو، معلوماتي ټکنالوژۍ او کتابتون آمریتونو څخه لیدنه وکړه.

 

د ننګرهار پوهنتون رئیس پوهاند دوکتور خلیل احمد بهسودوال د لوړو زده کړو وزارت فوق العاده استازي او د پوهنتون د اداري او مالي چارو مرستیال پوهنیار قاضي خالد صداقت په ملتیا د نړیوال. . .

سه‌شنبه ۱۴۰۱/۷/۵ - ۱۲:۳۹
Background image

د ننګرهار پوهنتون علمي شورا ددې پوهنتون د رئيس پوهاند دوکتور خليل احمد بهسودوال په مشرۍ غونډه وکړه.

 

په نوموړي کاري ناسته کې، چې د وږي په ۳۰مه نېټه په ریاست مقام کې ترسره شوه او د پوهنتون مرستیالانو، د بېلابېلو پوهنځيو او تدریسي روغتون رئيسانو او استادانو په کې برخه لرله، د پوهنتون. . .

سه‌شنبه ۱۴۰۱/۷/۵ - ۱۲:۳۵
Background image

د ننګرهار پوهنتون مشرتابه د خراسان پوهنتون دوه تنه استادان تقدیر کړل.

 

د خراسان خصوصي پوهنتون دوه تنو استادانو انجنیر زلمي احمدزي او انجنیر نصیر آغا شېرزاد، چې د ننګرهار پوهنتون انجنیري پوهنځي سره د تېرو څلور کالو راهیسې د تدریس او محصلینو روزنې په برخه. . .

BACK TO NEWS