د ننګرهار پوهنتون د روان تحصيلي کال نهايي سمستر شل فيصده ازموينې به د وري په ۲۰ مه نېټه پيل شي.
د ننګرهار پوهنتون د ازموينو مرکزي کمېټې د پرېکړې له مخې به ددې پوهنتون د روان تحصيلي کال د نهايي سمستر ازموينې د وري په ۲۰ مه نېټه پيل او دوه اوونۍ به دوام وکړي.
د ازموينو مرکزي کمېټې نن ورځ د حمل په ۱۷ مه نېټه د پوهنتون د محصلانو چارو مرستیال پوهنیار حافظ سید محمد قاسم هاشمي په مشرۍ غونډه وکړه، چې د یادې پرېکړې تر څنګ په کې ازموینو ته د چمتووالي، شفافې اخیستنې او نورو اړوندو مسایلو په اړه بحث او پرېکړې وشوې.
