د ننګرهار پوهنتون اداري، تقرر- انفکاک او نظم او دسپلین مجلسونه ددې پوهنتون د رئيس پوهاند دوکتور خليل احمد بهسودوال په مشرۍ ترسره شول.

nu_admin
یکشنبه ۱۴۰۱/۵/۲ - ۹:۴۰
Image

 

په یادو کاري مجلسونو کې، چې د زمري په ۱ نېټه د پوهنتون ریاست مقام کې ترسره شول، د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال، د علمي چارو او محصلانو چارو مرستیالانو، د اړوندو پوهنځیو او تدریسي روغتون رئیسانو او ځینو اداري امرینو په کې برخه لرله، د پوهنتون د اداري، تدریسي، د استادانو تقرر، انفکاک، نظم او دسپلین او يو شمېر نورو مسايلو په اړه بحث او پرېکړې وشوې.

د پرانیستې وینا پر مهال د ننګرهار پوهنتون رئیس پوهاند دوکتور خلیل احمد بهسودوال د پوهنتون مرستیالانو، د پوهنځیو له رئیسانو، ازموینو کمېټې او کانکور کمېټې غړو، استادانو او اداري کارکوونکو مننه وکړه، چې په هلو ځلو یې تېر سمستر بې له کومې جدي ستونزې په موفقانه توګه پای ته ورسېد او همدارنګه د ننګرهار ولایت د ښوونکو بستونو لپاره د نږدې ۱۸ زرو تنو کاندیدانو څخه په شفافه توګه د کانکور ازموینه واخیستل شوه.

پوهاند بهسودوال د طب او تدریسي روغتون له رئیسانو هم مننه وکړه، چې په تېره یوه میاشت کې یې په رغنیزه برخه کې لاسته راوړنې لرلې او زیاته یې کړه، چې نور پوهنځي هم باید ورته مرستې راجلب کړي.

د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال پوهنیار قاضي خالد صداقت د مجلس ګډونوالو مسؤلینو ته په خپلو مربوطه ادارو کې د قوانینو، مقرراتو او د لوړو زده کړو وزارت د دستورونو د رعایتولو او همدارنګه په خپل وخت د مراجعینو د کارونو اجراء او ورسره د نېک چلند کولو سپارښتنه وکړه، چې د هغوی له خوا د اجرااتو او همکارۍ ډاډ ورکړل شو.

د پوهنتون د نیمه کاره ودانیو د چارو تعقیب، د لیلیې د ۸ بلاکونو بیارغونه، د نجونو محصلینو د لیلیې او مدرسې رغونه، د داغمه اجناسو لیلام، د اداري بستونو د تنقیصاتو موضوع، د استادانو او اداري کارکوونکو حاضري او په اداري چارو کې د مراتبو د سلسلې مراعتول، د چاپېریال ساتنې کمېټې نوي کول، د ننګرهار، کونړ سید جمال الدین افغاني او الفلاح پوهنتونونو د استادانو د تقرر او انفکاک ۸ کیسونه، د محصلینو د نظم او دسپیلن ۲ کیسونه او یو لړ نور متفرقه مسایل د درېواړو مجلسونو د بحث عمده مسایل وو، چې له بحث وروسته یې په اړه لازمې پرېکړې وشوې.

سرچینه: د اړیکو، نشراتو او عامه پوهاوي آمریت

تازه خبرونه

یکشنبه ۱۴۰۱/۵/۲۳ - ۸:۲۴
Background image

ننګرهار پوهنتون کې (د مور په شېدو سره د ماشوم د تغذیې اوونۍ) د يوې سترې غونډې په ترڅ کې ونمانځل شوه.

 

ياده نمانځغونډه، چې د دې پوهنتون د طب پوهنځي فرهنګي کمېټې له خوا د سپین غر لوړو زده کړو موسسې په تخنیکي مرسته جوړه شوې وه، د ننګرهار پوهنتون او طب پوهنځي د مشرتابه او استادانو سربېره. . .

یکشنبه ۱۴۰۱/۵/۲۳ - ۸:۲۰
Background image

د جلال آباد ښاروالۍ د تخنیکي او سکتوري چارو رئیس د ننګرهار پوهنتون مشرتابه سره ولیدل.

 

د جلال آباد ښاروالۍ د تخنیکي او سکتوري چارو رئیس انجنیر دوست محمد چهاردیوال د ننګرهار پوهنتون رئیس پوهاند دوکتور خلیل احمد بهسودوال سره ولیدل.

په یاده لیدنه کې، چې د لوړو زده کړو. . .

دوشنبه ۱۴۰۱/۵/۱۷ - ۱۰:۹
Background image

په ختیځ کې د دولتي او خصوصي پوهنتونونو مسؤلینو او استادانو د ملګرو ملتونو له خوا د لوړو زده کړو پر سرپرست وزیر د لګېدلو بندیزونو په غبرګون کې اعتراضیه غونډه وکړه.

 

یاد کنفرانس، چې د محرم په ۹مه نېټه د ننګرهار پوهنتون په کوربتوب ترسره شو، ویناوالو یې د غندنې تر څنګ د هېواد په تحصیلي نظام د یادو بندیزونو د ناوړه اغېزو او بدو پایلو په اړه مقالې او. . .

BACK TO NEWS