د برېښنايي زده کړو کمېټې غړو د انلاین کورسونو د ثبت په اړه غونډه وکړه.

nu_admin
سه‌شنبه ۱۴۰۳/۴/۱۹ - ۱۳:۸
Picture

ه یاده غونډه کې چې د ننګرهار پوهنتون د علمي چارو مرستیال په مشرۍ ترسره شوه، په کې د انلاین کورسونو د ثبت بڼې، ترتیب، مهال وېش ټاکلو او مضامینو وېشلو سربېره یاده برخه کې د شته امکاناتو څخه ګټې اخیستنې او اړینو سهولتونو برابرولو په اړه بحثونه وشول.
د غونډې پیل کې د استاد پوهنیارعارف الله ضیاء له لوري د انلاین کورسونو ثبت په برخه کې د ترسره شویو فعالیتونو او پرمختګونو په اړه راپور د کمېټې له غړو سره شریک شو او دغه راز په یاده برخه کې د پرتو خنډونو د حل په موخه نظریات وړاندې شول.
د ننګرهار پوهنتون د علمي چارو مرستیال پوهندوی مـ/ـولوي احسان ناصح د خپلو خبرو پر مهال وویل: د هر پوهنځي په کچه یو انلاین کورس ثبتول د پوهنتون د ستراتیژیک پلان یوه برخه ده، چې په اړه یې باید جدي کړنې ترسره او راپور یې له علمي معاونیت سره شریک شي.
نوموړي د پوهنتون د انلاین کورسونو د ثبت او ریکارډ پروسې په ګړندیتوب ټینګار وکړ او زیاته یې کړه، هڅه به وکړي چې د دې پروسې د چټک پرمختګ لپاره د بېلابېلو دولتي او خصوصي رسنیو څخه د تخنیکي مرستې او همکارۍ غوښتنه وکړي.
د غونډې په پای کې د یاد بهیر د معیاري کېدا په اړه نظریات وړاندې شول او هر استاد ته په ویډیويي بڼه د یو مضمون د ثبت سپارښتنه وشوه.
د یادونې وړ ده، چې ددې چارې په ترسره کېدو سره به محصلین وکولی شي  د حضوري زده کړو تر څنګ په انلاین شکل زده کړو ته لاسرسی ولري.
سرچینه: د عامه اړیکو، اطلاعاتو او نشراتو آمریت

تازه خبرونه

سه‌شنبه ۱۴۰۳/۴/۲۶ - ۲۰:۱۳
Background image

د ننګرهار پوهنتون د تضمین کیفیت مرکزي کمېټې غړو غونډه وکړه.

په یاده کاري ناسته کې، چې ددې پوهنتون د علمي چارو مرستیال په مشرۍ ترسره شوه، د تضمین کیفیت کمېټې په فعالیتونو، د پوهنځیو او څانګو ارزولو، د کمېټې د غړو روزلو او د پوهنتون د اعتبار. . .

سه‌شنبه ۱۴۰۳/۴/۲۶ - ۲۰:۱۰
Background image

ننګرهار پوهنتون کې د ښکلا او سرسبزۍ چارې په چټکۍ سره روانې دي.

یادې چارې، چې ددې پوهنتون د مشرتابه د لارښوونې او د پوهنتون د اداري او مالي چارو مرستیال تر مستقیمې څارنې لاندې د پوهنتون د اداري او خدماتي کارکوونکو له خوا جریان لري، په بشپړېدو سره به. . .

دوشنبه ۱۴۰۳/۴/۲۵ - ۱۴:۸
Background image

د ننګرهار پوهنتون او التقوی لوړو زده کړو موسسې تر منځ د ماسترۍ برنامو په برخه کې د ګډو همکاریو هوکړه لیک لاسليک شو.

د مسؤلينو په وينا، د ياد تفاهملیک له مخې به ننګرهار پوهنتون د التقوی لوړو زده کړو موسسې د حقوقو او سیاسي علومو او اقتصاد پوهنځیو کې د ماسترۍ د نویو برنامو د ایجاد په برخه کې همکاري کوي.. . .

BACK TO NEWS

User account menu