د بایومتریک معلوماتو د ثبت خبرتیا!
Event dates
Event dates -
په ننګرهار پوهنتون کې د ۱۴۰۱ لمریز کال کانکور ازموینې ټولو هغو ګډونوالو ته، چې د ازموینې کارتونه یې ترلاسه کړي، خبر ورکول کېږي، چې سبا ورځ (سه شنبه) او بله ورځ (چهارشنبه) چې د میزان د ۱۲ او ۱۳ نېټې سره برابره ده، د بایومتریک معلوماتو ثبتولو لپاره دې لاندې مرکزونو ته مراجعه وکړي:
د نارینه کاندیدانو د بایومتریک مرکز
شرعیاتو پوهنځي وداني، ننګرهار پوهنتون مرکزي کمپس، درونټه، اوومه ناحیه- جلال آباد ښار.
وخت: د سهار له ۵:۳۰ پنځه نیمو بجو د مازیګر تر ۳:۰۰ درې بجو پورې.
د ښځینه کاندیدانو د بایومتریک مرکز
ننګرهار مرکزي دارالمعلمین، جوی هفت، پنځمه ناحیه- جلال اباد ښار.
وخت: د ماسپښین له ۱:۰۰ یوې بجې د مازیګر تر ۴:۰۰ څلورو بجو پورې.
شرایط
د بایومتریک معلوماتو ثبتولو پر مهال د کانکور ازموینې د ګډون کارت، د تذکرې اصل او د شخص موجودیت شرط دی.
د یادونې وړ ده، چې د کانکور ازموینه به د پنجشنبې، جمعې او شنبې په ورځو کې، چې د میزان د (۱۴، ۱۵، ۱۶) نېټې سره برابره ده، په ننګرهار پوهنتون کې اخیستل کېږي.
یادښت: د کانکور په یاده ازموینه کې د شپې پوهنځیو او څوارلسم پاسانو اختصاصي کانکور ګډونوال وجود نه لري، د هغوی کانکور به وروسته اخیستل کېږي.
درنښت
د ننګرهار پوهنتون اداره
