د ننګرهار پوهنتون د بېلابېلو څانګو د کادري بستونو له کاندیدانو څخه د نړیوالو ژبو ازموینه واخیستل شوه.

nu_admin
یکشنبه ۱۴۰۱/۲/۱۸ - ۹:۸
image

 

د انګلیسي او عربي ژبې یاده ازموینه د غويي په ۱۷مه نېټه د ژبو او ادبیاتو پوهنځي له خوا د اقتصاد پوهنځي د ملي اقتصاد، ساینس پوهنځي د بیولوژي او کېمیا، طب پوهنځي د بیزیک ساینس، حقوقو او سیاسي علومو پوهنځي د عامه حقوقو، ښوونې او روزنې پوهنځي پښتو او ژورنالېزم پوهنځي د عامه اړیکو څانګو د اعلان شویو کادري بستونو لپاره واخیستل شوه، چې ۱۰۴ تنو کاندیدانو په کې برخه لرله.

په همدې تړاو د ژبو او ادبیاتو پوهنځي د غونډو په تالار کې د ازموینې پرانیستې مراسم جوړ شوي وو، چې د پوهنتون د مشرتابه، مرستیالانو او د ژبو او ادبیاتو پوهنځي د مسؤلینو او استادانو سربېره په کې د لوړو زده کړو وزارت علمي معین دوکتور لطف الله خیرخواه هم برخه لرله.

د ننګرهار پوهنتون د علمي چارو مرستیال پوهنمل احسان الله ناصح د ازموینې د تخنیکي مسایلو د تشریح تر څنګ د ازموینې ګډونوالو ته ډاډ ورکړ، چې د ژبو او ادبیاتو پوهنځي د استاذانو او ټاکل شوي هیئت سره په ګډه به د ازموينې په شفافې اخيستنه کې هلې ځلې وکړي.

د لوړو زده کړو وزارت علمي معین دوکتور لطف الله خیرخواه او د ننګرهار پوهنتون رئیس پوهاند دوکتور خلیل احمد بهسودوال د ازموینې بهیر څخه د لیدنې پر مهال استادانو ته سپارښتنه وکړه، چې ګډونوالو کاندیدانو ته په ښه توګه لارښوونه وکړي او ازموينه دې د علمي نورمونو او اصولو سره سمه په شفافه توګه واخيستل شي، چې د هغوی له خوا د اجرااتو ډاډ ورکړل شو.

سرچینه: د اړیکو، نشراتو او عامه پوهاوي امریت

تازه خبرونه

چهارشنبه ۱۴۰۱/۲/۲۸ - ۹:۵۸
Background image

ننګرهار پوهنتون کې د چاپېريال ساتنې او پاککارۍ کمپاين ترسره شو.

 

یاد کمپاین د دې پوهنتون د حقوقو او سیاسي علومو پوهنځي د فرهنګي کمېټې په نوښت او د جلال آباد ښاروالۍ په تخنیکي مرسته د غويي په ۲۷مه ددې پوهنتون په مرکزي کمپس کې ترسره شو، چې د پوهنتون. . .

سه‌شنبه ۱۴۰۱/۲/۲۷ - ۸:۱۰
Background image

د کرکټ بورډ له خوا پیل شویو سیالیو کې د ننګرهار پوهنتون لوبډله نیمه پایلوبې ته ووتله.

 

ننګرهار پوهنتون لوبډلې په پرله پسې توګه خپله درېیمه لوبه هم وګټله او په دې توګه یې د ټورنمنټ نیمه پایلوبې ته لار وموندله.

د افغانستان د کرکټ بورډ ادارې د ننګرهار څانګې له خوا په دې. . .

دوشنبه ۱۴۰۱/۲/۲۶ - ۸:۱۳
Background image

د ننګرهار پوهنتون ازموینو مرکزي کمېټې غړي او ددې پوهنتون د تېر سمستر ممتاز محصلین د یوې غونډې په ترڅ کې وستایل شول.

 

په همدې مناسبت د محصلانو خدمتونو انسجام آمریت تالار کې د غويي په ۲۴مه ستاینغونډه جوړه شوې وه، چې د پوهنتون او پوهنځیو یو شمېر مسؤلینو، استادانو، محصلانو او اداري آمرینو په کې برخه. . .

BACK TO NEWS