په ختيځ کې د نړيوال روغتيايي سازمان مسؤلینو د ننګرهار پوهنتون له رئیس سره ولیدل.

nu_admin
چهارشنبه ۱۴۰۰/۸/۲۶ - ۱۴:۱۸
iamge

 

په ختيځ کې د نړيوال روغتيايي سازمان (WHO) د پولیو برخې مسؤل ډاکتر سفیر محمد صالح د یوه پلاوي په ملتیا د ننګرهار پوهنتون رئیس پوهاند دوکتور خلیل احمد بهسودوال سره ولیدل.

په یاده لیدنه کې، چې د پوهنتون مرستیالانو او د علمي تحقیقاتو کمېټې غړو هم برخه لرله، د پوهنتونونو د محصلینو له خوا په ختیزو څلورو ولایتونو کې د پوليو پر ضد د واکسينو د ترسره کېدونکو کمپاينونو د څارنې او سروې بهیر د بیا پیلېدو په اړه بحث او خبرې وشوې.

د ننګرهار پوهنتون رئيس پوهاند دوکتور خليل احمد بهسودوال وویل: د لوړو زده کړو وزارت د لوايحو او مقرراتو له مخې محصلين بايد د خپلو مسلکي زده کړو تر څنګ په ټولنيزو او ټولګټو چارو کې هم برخه واخلي، چې له نېکه مرغه د ننګرهار پوهنتون محصلين په ياده برخه کې د ګڼو نورو فعاليتونو تر څنګ په دې ولايت کې د ٢٠١٣ کال راهيسې د پوليو ضد واکسينو د کمپاينونو نظارت او څارنه هم کوي، چې په دې وروستیو کې دا لړۍ د کونړ، لغمان او نورستان ولایتونو ته هم غځېدلې ده.

پوهاند بهسودوال د ننګرهار پوهنتون د علمي تحقیقاتو کمېټې د مسؤلینو مننه وکړه، چې یاده پروسه یې ښه مدیریت کړې او د (WHO) له مسؤلینو یې غوښتنه وکړه، چې په نوموړې پروسه کې د څارونکو محصلینو شمېر زیات کړي.

د ننګرهار ولایت د دولتي او خصوصي پوهنتونونو لپاره د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال قاضي خالد صداقت د روغتیا د نړیوال سازمان مننه وکړه، چې په ننګرهار پوهنتون یې د پولیو واکسینو د ملي او حیاتي پروژې د څار باور کړی او زیاته یې کړه، چې ددې بهیر د روڼتیا او پیاوړتیا لپاره به لا زیاتې هلې ځلې وکړي.

په ختيځ کې د نړيوال روغتيايي سازمان د پولیو برخې مسؤل ډاکتر سفیر محمد صالح د ننګرهار پوهنتون د مسؤلینو او محصلینو مننه وکړه، چې د پولیو واکسینو کمپاین د نظارت او څارنې په برخه کې ورسره همکار دي، چې له امله یې د یادې ملي پروسې تطبيق او موثريت زیات شوی.

ښاغلي صالح د نوموړې پروسې د بیا پیلېدو په اړه د پوهنتون مسؤلینو ته معلومات ورکړل او د نویو محصلینو د ورپېژندلو غوښتنه یې وکړه، چې د پوهنتون د مشرتابه له خوا په یاده برخه کې د همکارۍ ډاډ ورکړل شو.

تازه خبرونه

دوشنبه ۱۴۰۴/۴/۱۶ - ۱۵:۱۲
Background image

د ننګرهار پوهنتون شرعیاتو پوهنځي او امام ابو حنیفه رحمه الله ديني تخصصاتو جامعې استادانو ته (د څېړنې اساساتو پېژندنه او مقاله لیکنې) تر سرلیک لاندې ۳ ورځنی ورکشاپ پیل شو.

یاد ورکشاپ، چې نن د ننګرهار پوهنتون څېړنو او علمي مجلو معاونیت په نوښت د پوهنتون مسلکي زده کړو پرمختايي مرکز (PDC) کې پیل شو، د روزنې چارې یې د همدې پوهنتون د شرعیاتو او حقوقو او سیاسي. . .

دوشنبه ۱۴۰۴/۴/۱۶ - ۱۵:۱۱
Background image

د ننګرهار پوهنتون محصلانو چارو مرستیال د خپلو اړوندو امرینو او پوهنځیو تدریسي مدیرانو سره غونډه وکړه.

د ختیځ زون امارتي او خصوصي پوهنتونونو لپاره د لوړو زده کړو وزارت د دعوت او ارشاد ریاست استازي او د ننګرهار پوهنتون د محصلانو چارو مرستیال شیخ شاکرالله وحدت د محصلانو چارو او محصلانو. . .

دوشنبه ۱۴۰۴/۴/۱۶ - ۱۵:۱۰
Background image

د ننګرهار پوهنتون تدریسي روغتون کې د خوارځواکو کوچنیانو د درملنې څانګه (TFU) له بیا رغاونې وروسته ګټې اخیستې ته ورسپارل شوه.

د روغتون د مسؤلینو په وینا، یاده څانګه د روغتیا نړیوال سازمان (WHO) په مالي مرسته د نږدې ۱۵۰۰۰ امریکايي ډالرو په لګښت د شلو ورځو په موده کې ترمیم او ګټې اخیستنې ته وسپارل شوه.

یاده. . .

BACK TO NEWS

User account menu