ننګرهار پوهنتون کې د ۷ کادري بستونو لپاره له ۱۵ تنو کاندیدانو ازموینه واخیستل شوه.
![picture](/sites/default/files/2024-07/kadare_exam.jpeg)
یاده ازموینه د لوړو زده کړو وزارت او ننګرهار پوهنتون د ګډ هیئت له خوا د ننګرهار او کونړ سید جمال الدین افغاني پوهنتونونو د طب، انجنیري او ادبیاتو پوهنځیو د بېلابېلو څانګو لپاره واخیستل شوه.
د علمي کادر بستونو یاده ازموینه د لوړو زده کړو وزارت پلاوي او د ننګرهار پوهنتون د مشرتابه په حضور کې د ټاکل شوي ممتحنه هیئت له خوا واخیستل شوه.
د ننګرهار پوهنتون د علمي چارو مرستیال پوهندوی مـ/ـولوي احسان الله ناصح او د محصلانو چارو مرستیال پوهنیار حافظ سید محمدقاسم هاشمي د لوړو زده کړو وزارت څخه د راغلي پلاوي د مشر او د یاد وزارت د تقرر او انفکاک کارپوه نویدالله احمدي په ملتیا د ازموینې اخیستلو بهیر نه لیدنه او څارنه وکړه.
نوموړو په خپلو خبرو کې ګډونوالو کاندیدانو ته ډاډ ورکړ، چې د ازموينې د روڼتیا او شفافیت په برخه کې یې تر ممکنه حده هلې ځلې کړي او د عدالت له مخې به حق حقدار ته وسپاري.
سرچینه: د عامه اړیکو، اطلاعاتو او نشراتو آمریت