ننګرهار پوهنتون کې د شـ.هید امــ/يرالمؤمنين ملا اختر محمد منصور (رحمه الله) د اتم تلین په مناسبت د قرانکريم ختم او ياد غونډه ترسره شوه.
په همدې پار د ننګرهار پوهنتون په جامع مسجد کې مراسم جوړ شوي و، چې په کې د ننګرهار پوهنتون د علمي چارو او محصلانو چارو مرستيالانو، د بېلابېلو پوهنځیو رئیسانو، استادانو او محصلینو ګډون کړی و.
ياد غونډې د ننګرهار پوهنتون د علمي چارو مرستیال پوهندوی احسان الله ناصح په خپلو خبرو کې د شـ.هید امـ/یرالمؤمنین ملا اختر محمد منصور د کارنامو، سیاسي ځیرکتیا، وطن دوستۍ، د اشغـ/ال پر وړاندې مبارزې او د شرعي احکامو د نفاذ په برخه کې د هغه پیاوړي هوډ یادونه وکړه او محصلینو ته یې سپارښتنه وکړه، چې خپل اتلان هېر نه کړي، هغوی ونمانځي او د هغوی لاره تعقیب کړي.
د ننګرهار پوهنتون د محصلانو چارو مرستیال پوهنیار حافظ سید محمد قاسم هاشمي د محصلانو خدمتونو انسجام آمریت له مسؤلینو او محصلينو مننه وکړه، چې د خپلو اقدارو او مشرانو په وياړ ياد غونډې جوړوي.
نوموړي د دغه ډول ياد غونډو په ارزښت خبرې وکړې او زياته يې کړه، چې دغه ډول مناسبتونه زمونږ حال د وياړمنې ماضي سره تړي.
د غونډې په پای کې ګډونوالو د شـ.هيد امــ/يرالمؤمنين پاک روح ته د دعا لاسونه لپه کړل.
سرچينه: د عامه اړيکو، اطلاعاتو او نشراتو آمريت
