ننګرهار پوهنتون کې د سیرت النبي (صلی الله علیه وسلم) سیالۍ ګټونکي محصلین د یوې سترې غونډې په ترڅ کې تقدیر شول.

nu_admin
شنبه ۱۴۰۲/۱۰/۱۶ - ۱۱:۲۹
Picture

یاده سیالي د ننګرهار پوهنتون د محصلانو خدمتونو انسجام امریت په نوښت د لیندۍ په ۲۶ نېټه اخیستل شوې وه، چې د دې پوهنتون د اړوندو پوهنځیو څه دپاسه ۵۰۰ تنو محصلینو او ځوانانو په کې ګډون کړی ؤ.

په همدې مناسبت د ننګرهار پوهنتون د غونډو تالار کې مراسم جوړ شوي ؤ، چې ددې پوهنتون د علمي چارو او محصلانو چارو مرستیالانو، استادانو او محصلینو سربېره په کې د ولایتي ادارې ځینو مسؤلینو هم برخه لرله.

د غونډې د پرانیستې وینا پر مهال د ننګرهار پوهنتون د علمي چارو مرستیال پوهندوی احسان الله ناصح د نبوي سیرت د زده کړې او ددغه ډول روزونکو برنامو په ارزښت خبرې وکړې.

نوموړي وویل: دا د هر مسلمان ځوان دنده ده، چې د خپل محبوب پیغمبر (صلی الله علیه وسلم) د مبارک سیرت نه ځان خبر کړي او په خپل ورځني ژوند کې یې عملي کړي.

ښاغلي ناصح د محصلانو خدمتونو انسجام آمریت له مسؤلینو مننه وکړه، چې محصلینو ته دغه ډول روزونکي پروګرامونه دایروي او په راتلونکې کې یې د هغو پر دوام ټینګار وکړ.

د ننګرهار پوهنتون د محصلانو چارو مرستیال پوهنیار حافظ سید محمدقاسم هاشمي وویل، چې د سیرت سیالۍ له اخیستلو یې موخه د محصلینو او ځوانانو فکري روزنه او د نبوي مبارک سیرت سره بلدتیا ده، چې د اخیستنې لپاره یې د شرعیاتو پوهنځي د استادانو د نظارت لاندې ځانګړې کمېټه ټاکل شوې وه.

نوموړي د پایلو د روڼتیا او شفافیت په اړه ګډونوالو محصلینو ته ډاډ ورکړ او زیاته یې کړه، چې په راتلونکې کې به د محصلینو لپاره د مسلکي زده کړو تر څنګ نور روزنیز پروګرامونه هم دایر کړي.

د ننګرهار ولایت مقام د بشري سرچینو رئیس م/ولوي محمد طاهر جلالي، د المپیک او بدني روزنې رئیس عبدالسلام وزیروال، د ځوانانو چارو آمر قاري محمد آصف زهیر او د ننګرهار پوهنتون د دعوت او ارشاد آمریت مرستیال م/ولوي نجیب الله ثاقب د غونډې نور ویناوال وو، چې د خبرو پر مهال یې محصلین خپلو مسؤلیتونو ته ځیر کړل او د پوهنتون له مشرتابه یې مننه وکړه، چې محصلینو ته د مسلکي زده کړو تر څنګ د دیني زده کړې پروګرامونه جوړوي.

د غونډې په وروستۍ برخه کې د سیالۍ ۵۰ تنو ممتازو محصلینو ته د سیرت کتابونه، لیپ ټاپ کمپیوټرونه، موبایل تلیفونونه، بایسکلونه، ساعتونه، کمبلې او نور جوایز ورکړل شول.

د یادونې وړ ده، چې په یاده غونډه کې د حق المبین کتاب د اخیستل شوې سیالۍ ګټونکو محصلینو ته هم جوایز ورکړل شول.

د ننګرهار پوهنتون د محصلانو خدمتونو انسجام آمر قاري محمد داؤد فیضي په وینا، د حق المبین کتاب سیالي څه موده وړاندې د دوی له خوا د ننګرهار ولایت د خصوصي پوهنتونونو او لوړو زده کړو موسسو د محصلینو لپاره دایره شوې وه.

تازه خبرونه

شنبه ۱۴۰۳/۳/۵ - ۸:۴۷
Background image

د لوړو زده کړو وزارت د اداري او زیربنا ریاست څخه راغلي پلاوي د ننګرهار پوهنتون له مشرتابه سره ولیدل.

یاد پلاوي، چې په تشکیل کې یې د لوړو زده کړو وزارت څلور تنه انجنیران شامل دي، د ننګرهار پوهنتون رئیس، مرستیالانو، د پوهنځیو رئیسانو او د تدارکاتو آمر سره د پوهنتون د شرعیاتو او حقوقو. . .

چهارشنبه ۱۴۰۳/۳/۲ - ۸:۳۹
Background image

ننګرهار پوهنتون کې د شـ.هید امــ/يرالمؤمنين ملا اختر محمد منصور (رحمه الله) د اتم تلین په مناسبت د قرانکريم ختم او ياد غونډه ترسره شوه.

په همدې پار د ننګرهار پوهنتون په جامع مسجد کې مراسم جوړ شوي و، چې په کې د ننګرهار پوهنتون د علمي چارو او محصلانو چارو مرستيالانو، د بېلابېلو پوهنځیو رئیسانو، استادانو او محصلینو ګډون. . .

سه‌شنبه ۱۴۰۳/۳/۱ - ۱۲:۳۲
Background image

د ننګرهار پوهنتون اقتصاد پوهنځي ۳۷ تنه محصلین د کمپیوټر زده کړو له روزنیز کورس څخه فارغ شول.

د کمپيوټر زده کړې یاد روزنیز کورس، چې د درې تنو استادانو له لوري په کې تدریس کېده، د اقتصاد پوهنځي (PDC) څانګې له خوا د پوهنځي ریاست سره په همغږۍ ۳ میاشتې وړاندې پیل شوی و او د اقتصاد. . .

BACK TO NEWS

User account menu