ننګرهار پوهنتون تدريسي روغتون کې د اورتوپيدي او عصبي جراحي څانګې له بيا رغونې او په عصري وسايلو تجهيز کولو وروسته پرانيستل شوې.

nu_admin
پنجشنبه ۱۴۰۱/۸/۲۶ - ۹:۲۰
image

 

د ننګرهار پوهنتون په تدريسي روغتون کې د اورتوپيدي او عصبي جراحي څانګې چې يوه مياشت وړاندې يې د بيا رغونې چارې پيل شوې وې ، چارې يې بشپړې او ګټې اخيستنې ته وسپارل شوې.

په همدې موخه جوړه شوې غونډه کې د ننګرهار يوهنتون رئيس پوهاند ډاکتر خليل احمد بهسودوال ، د محصلانو چارو مرستيال سيد قاسم هاشمي ، ننګرهار طب پوهنځي رئيس پوهنوال ډاکتر عبدالعظيم عظيمي ، د بېلابېلو پوهنځيو رئيسانو ، د تدريسي روغتون رئيس پوهنوال ډاکتر همايون چهارديوال، د فاطمة الزهرا روغتون آمر فضل الله سيرت ، د پښتورګو روغتون آمر ذبيح الله رؤف او سرطبيب يې ډاکتر واقف نيازي، د جراحي مشر استاد پوهاند ډاکتر عبدالرؤف حسان، د عامې روغتيا د حوزوي روغتون څخه د عصبي جراحي څانګې شيف ډاکتر ضميرالدين خالد ، د اورتوپيدي آمر ډاکتر فضل هادي عظيمي ، ډاکتر يعقوب شينواري ، ډاکتر ناصر ودير صافي ، د تدريسي روغتون آمرينو ، اداري پرسونل او د طب د برخې لويو نومونو او استادانو ګډون درلود.

په دغه پرانيست غونډه کې د ننګرهار پوهنتون رئيس پوهاند ډاکتر خليل احمد بهسودوال د تدريسي روغتون د رئيس د ترسره کړو فعاليتونو ، تدريسي روغتون کې د روانو ساختماني چارو او راتلونکو پلانونو ستاينه وکړله او ويې ويل، په تدريسي روغتون کې له عمومي جراحي څخه د اورتوپيدي او عصبي جراحي څانګو جلا کول به د طبي خدماتو پر کيفيت او ناروغانو ته د ډاکترنو له لوري پر وخت او ژر لاسرسي کې مثبته اغېزه ولري او دا اقدام يې د طبابت په برخه کې د ځان بسيا کېدو پر لور د پرمختګ يو ګام وګڼلو.

غونډه کې د تدريسي روغتون رئيس پوهنوال ډاکتر همايون چهارديوال وويل، د چارو د ښه تنظيم ، ناروغانو ته د پراخه معياري او باوري خدماتو ترسره کولو او محصلينو ته په جلا او ارامه فضا کې د زده کړو مطمئين چاپيريال برابرولو په موخه يې د اورتوپيدي او عصبي جراحي څانګې له عمومي جراحي څخه جلا کړلې.

د تدريسي روغتون د رئيس په وينا، د اورتوپيدي او عصبي جراحي څانګو لپاره يې دا ودانۍ د (ICRC) له هغې بوديجې بيا ورغوله ، کومه چې د تدريسي روغتون د ورځنيو لګښتونو لپاره ورکوي.

پوهنوال ډاکتر همايون چهارديوال راغلو مېلمنو ته د پرېزېنټېشن په شکل روغتون کې د وروستيو دريو مياشتو ترسره کړيو ساختماني کارونو او فعاليتونو په اړه معلومات وړاندې کړل او ويې ويل ، راتلونکي کې پلان لري چې د بهرنيو موسساتو په مالي ملاتړ او مرسته د نسائي ولادي عمليات خونې او (ICU) ، د نسائي ولادي لپاره وړکتون ، جراحي څانګه ، د نويو زېږېدلو کوچنيانو څانګه ، د روغتون په کچه يو کتابتون ، دوبي خانه ، د اسنادو لپاره ارشيف ، Endourology او Incinerator په اساسي ډول جوړولو تر څنګ به لابراتوار کې د الکترولايتونو او هارموني معايناتو خدمات برابر کړي.

د غونډې په لړ کې پوهاند ډاکتر حيات الله احمدزی، پوهاند ډاکتر ايمل شيرزی، پوهنيار ډاکتر فرهاد اول خېل او د تدريسي روغتون اجرائيه مدير مولوي محمد نظير وزيري تدريسي روغتون سره د هر اړخيزو همکاريو او ترسره کړيو مثبتو کارونو له کبله په ستاينليکونو ونازول شول.

بايد ياده شي چې ننګرهار تدريسي روغتون کې نوې افتتاح شوې د اورتوپيدي او عصبي جراحي څانګې د هېواد په کچه په مجهزو طبي وسايلو او ماشينونو سمبالې دي ، مجرب او پياوړي ډاکتران لري چې هېوادوال ورته مراجعه کولی شي.

تازه خبرونه

یکشنبه ۱۴۰۳/۱/۵ - ۸:۵۴
Background image

ننګرهار پوهنتون کې د یوه مجهز څېړنیز مرکز د جوړېدو چارې پیل شوې.

د یاد مرکز وداني د ننګرهار پوهنتون رهبرۍ په هلو ځلو او د شهید افسر خان ستانکزي خيريه بنسټ له لوري د ۱۵ میلیونه افغانیو په مالي لګښت د اړینو عصري تجهیزاتو په لرلو سره په ۳ پوړونو کې. . .

دوشنبه ۱۴۰۲/۱۱/۲۳ - ۲۲:۸
Background image

د ننګرهار پوهنتون په نوښت جوړ شوی اقليم بدلون نړيوال کنفرانس پای ته ورسېد.

ياد کنفرانس چې د سلواغې په ۲۱ نېټه پيل او درې ورځې يې دوام وکړ، د وروستۍ ورځې په مناسبت يې د ښېوې ولسوالۍ اړوند ناکامورا پارک کېيي مراسم جوړ شوي وو، چې په کې د ننګرهار پوهنتون رئيس او. . .

یکشنبه ۱۴۰۲/۱۱/۲۲ - ۲۰:۴۹
Background image

ننګرهار پوهنتون کې د داير شوي اقليم بدلون نړيوال کنفرانس دويمه ورځ هم په بريا سره پای ته ورسېده.

د ننګرهار پوهنتون په کوربتوب او د لوړو زده کړو وزارت په همکارۍ د جوړ شوي اقليم بدلون نړيوال کنفرانس دويمه ورځ، چې د کنفرانس د محتوا اړوند د ګډونوالو علمي او تحقيقي مقالو ته ځانګړې شوې. . .

BACK TO NEWS