د ننګرهار پوهنتون مشرتابه د لوړو زده کړو وزارت علمي معین سره وليدل.

nu_admin
دوشنبه ۱۴۰۰/۸/۱۷ - ۱۱:۴۲
iamge

 

د ننګرهار پوهنتون رئیس پوهاند دوکتور خلیل احمد بهسودوال د لوړو زده کړو وزارت د علمي معینیت سرپرست دوکتور لطف الله خیرخواه سره ولیدل.

په یاده لیدنه کې د ننګرهار ولایت د دولتي او خصوصي پوهنتونونو لپاره د لوړو زده کړو وزارت فوق العاده استازي قاضي خالد صداقت، د علمي چارو مرستيال پوهندوى دوکتور محمد حامد کډوال، د محصلانو چارو مرستیال پوهنوال سید اکرم هاشمي، د اداري او مالي چارو مرستیال حمیدالله احمدزي، د طب پوهنځي رئیس پوهاند ډاکتر ناصر خان کامه وال او ځینو نورو استادانو هم برخه لرله.

د لیدنې پر مهال د ننګرهار پوهنتون رئیس پوهاند دوکتور خلیل احمد بهسودوال ددې پوهنتون د فعالیتونو، علمي او رغنیزو لاسته راوړنو او دغه راز په پوهنتون کې د شته ستونزو او ننګونو په اړه د لوړو زده کړو وزارت علمي معین ته معلومات ورکړل.

د لوړو زده کړو وزارت علمي معین دوکتور لطف الله خیرخواه ننګرهار پوهنتون له کابل وروسته دويم ستر اکاډمیک مرکز ياد کړ او زياته يې کړه، چې د ستونزو په حل کې به يې اړين اقدامات ترسره کړي.

ښاغلي خیرخواه د پوهنتونونو د ژر پیلېدو ژمنه هم وکړه او زیاته یې کړه، چې د لوړو زده کړو وزارت رهبري په ډېرې تېزۍ سره د یاد بهیر پر وړاندې د شته ستونزو او خنډونو په له منځه وړلو کار کوي.

تازه خبرونه

سه‌شنبه ۱۴۰۰/۹/۹ - ۹:۲۱
Background image

د ننګرهار پوهنتون مشرتابه ددې پوهنتون د اړوندو پوهنځیو او اداري څانګو څخه لیدنه وکړه.

 

د ننګرهار پوهنتون رئیس پوهاند دوکتور خلیل احمد بهسودوال، د ننګرهار ولایت د دولتي او خصوصي پوهنتونونو لپاره د لوړو زده کړو وزارت فوق العاده استازي او د ننګرهار پوهنتون د اداري او مالي. . .

سه‌شنبه ۱۴۰۰/۹/۹ - ۹:۱۶
Background image

د ننګرهار پوهنتون د نړیوال علمي ژورنال (NUISJ) اجرائیه بورد مشورتي ناسته وکړه.

 

د یادې کاري ناستې پر مهال د بورد غړو د ژورنال د نشر په شرایطو او په یاده برخه کې د پاتې چارو د ترسراوي په اړه بحث او خبرې اترې وکړې.

د ننګرهار پوهنتون رئیس پوهاند دوکتور خلیل احمد. . .

سه‌شنبه ۱۴۰۰/۹/۹ - ۹:۱۲
Background image

د ننګرهار پوهنتون اداري، تقرر او انفکاک مجلسونه ددې پوهنتون د رئيس پوهاند دوکتور خليل احمد بهسودوال په مشرۍ ترسره شول.

 

په یادو کاري ناستو کې د پوهنتون د مشرتابه سربېره د ننګرهار ولایت د دولتي او خصوصي پوهنتونونو لپاره د لوړو زده کړو وزارت فوق العاده استازي او د ننګرهار پوهنتون د اداري او مالي چارو. . .

BACK TO NEWS