د ننګرهار پوهنتون د فرهنګي چارو د نوې ټاکل شوې کمېټې غړو د دې پوهنتون د مشرتابه سره غونډه وکړه.

nu_admin
چهارشنبه ۱۴۰۲/۲/۲۷ - ۸:۲۳
Picture

په نوموړې تعارفي او مشورتي ناسته کې، چې د پوهنتون په ریاست مقام کې ترسره شوه، د ننګرهار پوهنتون رئیس، مرستیالانو او د بېلابېلو پوهنځیو استازو استادانو او د فرهنګي کمېټو مسؤلینو برخه لرله.

د مجلس د پرانیستې پر مهال د ننګرهار پوهنتون رئیس پوهاند دوکتور خلیل احمد بهسودوال د کمېټې نویو غړو ته د ټاکل کېدو مبارکي وویله او د تېرې کمېټې د کړنو او هلو ځلو یادونه او ستاینه یې وکړه.

نوموړي د لوړو زده کړو وزارت د قوانینو او اصولو سره سم د چارو د ترسره کولو، د تشکیلاتي جوړښت او کاري پلان جوړولو، د ځانګړې کړنلارې له مخې د تقویمي ورځو د نمانځې او محصلینو ته د روزنیزو غونډو جوړولو په برخه کې د کمېټې غړو ته اړینې لارښوونې وکړې.

د علمي چارو مرستیال پوهندوی احسان الله ناصح، د اداري او مالي چارو مرستیال پوهنیار قاضي خالد صداقت او د محصلانو چارو مرستیال حافظ سید محمد قاسم هاشمي په خپلو خبرو کې د پوهنتون د استادانو او علمي شخصیتونو تقدیرولو، د پوهنتون د نوي پېژندلیک او بروشر چاپولو، د ویب پاڼې معلوماتو نوي کولو او د پوهنځیو په کچه د تېر سمستر د ممتازو محصلینو لپاره د ستاینغونډو جوړولو په اړه د مجلس ګډونوالو ته سپارښتنې وکړې.

د مجلس په دویمه برخه کې د کمېټې غړو د چارو د لا ښه والي په اړه خپل نظرونه شریک کړل او د پوهنتون مشرتابه ته یې په یادو برخو کې د همکارۍ او اجرااتو ډاډ ورکړ.

د مجلس په پای کې د رایو په یووالي پوهندوی دوکتور همایون حامد د کمېټې د نوي مشر، پوهنمل هدایت الله حکیمي او پوهنمل طیب الله زاهد د مرستیالانو او د اړیکو او نشراتو آمر فضل علي ناګار د کمېټې د منشي په توګه وټاکل شول.

سرچینه: د اړیکو، نشراتو او عامه پوهاوي آمریت

تازه خبرونه

شنبه ۱۴۰۳/۳/۵ - ۸:۴۷
Background image

د لوړو زده کړو وزارت د اداري او زیربنا ریاست څخه راغلي پلاوي د ننګرهار پوهنتون له مشرتابه سره ولیدل.

یاد پلاوي، چې په تشکیل کې یې د لوړو زده کړو وزارت څلور تنه انجنیران شامل دي، د ننګرهار پوهنتون رئیس، مرستیالانو، د پوهنځیو رئیسانو او د تدارکاتو آمر سره د پوهنتون د شرعیاتو او حقوقو. . .

چهارشنبه ۱۴۰۳/۳/۲ - ۸:۳۹
Background image

ننګرهار پوهنتون کې د شـ.هید امــ/يرالمؤمنين ملا اختر محمد منصور (رحمه الله) د اتم تلین په مناسبت د قرانکريم ختم او ياد غونډه ترسره شوه.

په همدې پار د ننګرهار پوهنتون په جامع مسجد کې مراسم جوړ شوي و، چې په کې د ننګرهار پوهنتون د علمي چارو او محصلانو چارو مرستيالانو، د بېلابېلو پوهنځیو رئیسانو، استادانو او محصلینو ګډون. . .

سه‌شنبه ۱۴۰۳/۳/۱ - ۱۲:۳۲
Background image

د ننګرهار پوهنتون اقتصاد پوهنځي ۳۷ تنه محصلین د کمپیوټر زده کړو له روزنیز کورس څخه فارغ شول.

د کمپيوټر زده کړې یاد روزنیز کورس، چې د درې تنو استادانو له لوري په کې تدریس کېده، د اقتصاد پوهنځي (PDC) څانګې له خوا د پوهنځي ریاست سره په همغږۍ ۳ میاشتې وړاندې پیل شوی و او د اقتصاد. . .

BACK TO NEWS

User account menu