د ننګرهار پوهنتون د روان تحصیلي کال د نهايي سمستر ازموينې به د لیندۍ په ۵مه نېټه پيل شي.

nu_admin
شنبه ۱۴۰۱/۸/۲۸ - ۹:۹
image

 

د لوړو زده کړو وزارت د رالېږلې طرحې او د ننګرهار پوهنتون د علمي شورا د پرېکړې له مخې به ددې پوهنتون د روان تحصيلي کال د دویم سمستر ازموينې د لیندۍ په ۵ مه نېټه پيل او د یادې میاشتې تر پایه به دوام وکړي.

د علمي شورا په یاده کاري ناسته کې، چې د لړم په ۲۶مه نېټه د پوهنتون د رئیس پوهاند دوکتور خلیل احمد بهسودوال په مشرۍ ترسره شوه او د پوهنتون مرستیالانو، د بېلابېلو پوهنځيو او تدريسي روغتون رئيسانو او استادانو په کې برخه لرله، د یادې پرېکړې سربېره په یو شمېر نورو علمي او تدریسي موضوعاتو بحث او خبرې- اترې وشوې.

د ننګرهار پوهنتون رئیس پوهاند دوکتور خلیل احمد بهسودوال د مجلس د پرانیستې پر مهال په تېره یوه میاشت کې د پوهنتون ادارې د کړنو او لاسته راوړنو په اړه د شورا غړو ته معلومات ورکړل.

نوموړي دغه راز د تضمین کیفیت پروسې او HEMIS سیستم تطبیق، چاپېریال ساتنې او راتلونکو ازموینو د شفافې اخیستنې په اړه د پوهنځیو مسؤلینو ته اړینې لارښوونې وکړې، چې د هغوی له خوا د اجرااتو ډاډ ورکړل شو.

د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال پوهنیار قاضي خالد صداقت او د محصلانو چارو مرستیال سید محمد قاسم هاشمي د پوهنځیو د مسؤلینو او استادانو مننه وکړه، چې په کمه موده او نشتو امکاناتو یې د دویم سمستر تدریسي پروسه په بریالیتوب سره پای ته ورسوله.

ورپسې د ۱۳ګونو پوهنځیو رئیسانو په تېر سمستر کې د کریکولم د تطبیق راپورونه د پوهنتون د مشرتابه او د شورا له غړو سره شریک کړل، چې د هغوی له خوا مثبت ارزیابي شول.

په پاى کې د شورا د غړو له خوا د ننګرهار پوهنتون د استادانو د علمي ترفيعاتو ۵، ارتقاء ۲ او د تقرر او انفکاک ۱۲ کيسونو او ځینو نورو مسایلو په اړه بحث او لازمې پرېکړې وشوې.

تازه خبرونه

سه‌شنبه ۱۴۰۱/۹/۸ - ۱۲:۶
Background image

د ننګرهار پوهنتون مشرتابه پلاوي د کرنې، ژورنالېزم او ژبو او ادبیاتو پوهنځیو د ازموینو بهیر نه لیدنه وکړه.

 

د ننګرهار پوهنتون رئیس پوهاند دوکتور خلیل احمد بهسودوال د اداري او مالي چارو مرستیال پوهنیار قاضي خالد صداقت، محصلانو چارو مرستيال حافظ سید محمد قاسم هاشمي او د ازموینو مرکزي کمېټې. . .

شنبه ۱۴۰۱/۹/۵ - ۸:۲۶
Background image

د ننګرهار پوهنتون د اړوندو پوهنځیو د ازموینو کمېټو مسؤلینو د پوهنتون مشرتابه سره غونډه وکړه.

 

په یاده کاري ناسته کې، چې د پوهنتون د اداري او مالي چارو مرستیال پوهنیار قاضي خالد صداقت، د محصلانو چارو مرستیال حافظ سید محمد قاسم هاشمي او د ازموینو مرکزي کمېټې مشر پوهاند دوکتور. . .

یکشنبه ۱۴۰۱/۸/۲۹ - ۱۵:۲
Background image

د ننګرهار پوهنتون مرکزي کمپس د بیرونۍ نما د جوړېدو چارې به ډېر ژر پیل شي.

 

په یاده رغنیزه پروژه کې یو کیلومتر او ۱۲ متره پیاده رو، ویاله او په اساسي توګه د پوهنتون د عمومي دروازې جوړېدل شامل دي، چې د جلال آباد ښاروالۍ سره په همغږۍ د UNOPS ادارې د ۱۲۶۰۰۰ زره. . .

BACK TO NEWS