د ننګرهار پوهنتون د تضمین کیفیت د داخلي واحد نوی مسؤل د یاد بنسټ کارکوونکو ته ور وپېژندل شو

sakhizada_admin
سه‌شنبه ۱۳۹۹/۱۰/۲۳ - ۹:۴۸
image

 

د ننګرهار پوهنتون د اقتصاد پوهنځي استاد پوهنيار اختر محمد غني ددې پوهنتون د تضمین کیفیت د داخلي واحد د نوي مسؤل په توګه د ننګرهار پوهنتون د رئيس پوهاند دوکتور خلیل احمد بهسودوال له خوا په داسې حال کې، چې د علمي چارو مرستیال پوهندوی دوکتور محمد حامد کډوال یې ملتيا کوله، رسماً د نوموړي بنسټ منسوبينو ته ور وپېژندل شو.

په همدې اړه جوړې شویو مراسمو ته د ننګرهار پوهنتون رئيس پوهاند دوکتور خلیل احمد بهسودوال وویل: دا چې د تضمین کیفیت د داخلي واحد مخکېنی مسؤل او د ژبو او ادبیاتو پوهنځي استاد پوهنمل لطیف الله غفوري بهر ته د دوکتورا زده کړو لپاره روان دی، نو د نوموړي پر ځای د اقتصاد پوهنځي استاد پوهنیار اختر محمد غني د دې بنسټ د نوي مشر او مسؤل په توګه ټاکو.

پوهاند بهسودوال د تضمین کیفیت د داخلي واحد د مخکېني مسؤل پوهنمل لطیف الله غفوري په کړيو خدمتونو او لاسته راوړنو رڼا واچوله؛ نوموړي وويل: پوهنمل غفوري نږدې پنځه کاله د پوهنتون د تضمین کیفیت برخې مسؤل ؤ، چې په یاده موده کې ښاغلي غفوري او مل ټیم یې د ننګرهار پوهنتون د علمي، تدریسي او اداري بهیر د ښه والي او معیاري کېدو لپاره نه ستړي کېدونکې هلې ځلې وکړې، چې په پایله کې یې ننګرهار پوهنتون په لوړو نمرو بشپړ اکاډمیک اعتبار ترلاسه کړ، چې په نوموړې مهمې پروسې کې د دوی رغنده رول تقدیروو.

د پوهنتون رئیس دغه راز پوهنيار غني وړ او په کار پوه علمي کادر ياد کړ، چې په وينا يې، په تقرر سره به يې د تضمین کیفیت پروسه لا پیاوړې او غښتلې شي.

د تضمین کیفیت د داخلي واحد نوي مسؤل پوهنیار اختر محمد غني د ننګرهار پوهنتون د رياست مقام مننه وکړه، چې پر ده يې ددې دندې باور وکړ.

نوموړي ژمنه وکړه، چې په خپل ټول توان سره به د ورسپارل شوي مسؤلیت په ښه ترسراوي کې هلې ځلې وکړي.

تازه خبرونه

چهارشنبه ۱۴۰۰/۴/۲ - ۷:۱۳
Background image

ننګرهار پوهنتون کې د پایلو پر بنسټ او محصل محورۍ (OBE-SCL) تدریسي تګلارو د زده کړې ۱۲ ورځنی ورکشاپ پای ته ورسېد.

 

یاد ورکشاپ د پوهنتون د مسلکي زده کړو پرمختیایي مرکز (PDC) په نوښت د سپین غر لوړو زده کړو موسسې استادانو ته جوړ شوی ؤ.

د ننګرهار پوهنتون د علمي چارو مرستیال پوهندوی دوکتور محمد حامد. . .

پنجشنبه ۱۴۰۰/۳/۲۷ - ۷:۳۴
Background image

ننګرهار پوهنتون کې د HEMIS سیستم دوه ورځنی روزنیز ورکشاپ پیل شو.

یاد ورکشاپ د لوړو زده کړو وزارت د محصلانو چارو ریاست په نوښت ددې پوهنتون د محصلانو د خدمتونو انسجام آمریت کې جوړ شوی، چې د ننګرهار پوهنتون سربېره د کونړ، لغمان او نورستان پوهنتونونو. . .

دوشنبه ۱۴۰۰/۳/۲۴ - ۹:۵۷
Background image

د ننګرهار پوهنتون پلان او پالېسۍ کمېټې ددې پوهنتون د رئيس پوهاند دوکتور خليل احمد بهسودوال په مشرۍ غونډه وکړه.

 

په نوموړې کاري ناسته کې، چې د پوهنتون د علمي چارو مرستيال پوهندوى دوکتور محمد حامد کډوال، د محصلانو چارو مرستيال پوهنوال سيد اکرم هاشمي او د اداري او مالي چارو مرستیال مسعود پیروزي. . .

BACK TO NEWS