د ننګرهار پوهنتون د بهرنیو اړیکو کمېټې غونډه ددې پوهنتون د رئيس پوهاند دوکتور خليل احمد بهسودوال په مشرۍ ترسره شوه.

nu_admin
دوشنبه ۱۴۰۰/۱۰/۲۰ - ۹:۴۶
iamge

 

په نوموړې کاري ناسته کې، چې د پوهنتون د علمي چارو مرستيال پوهنمل احسان الله ناصح، د محصلانو چارو مرستيال پوهنوال سيد اکرم هاشمي، د یادې کمېټې مشر پوهنمل دوکتور محمد دوست صافي او غړو په کې برخه لرله، له ننګرهار پوهنتون سره د یو شمېر داخلي او خارجي بنسټونو او علمي مرکزونو د تفاهملیکونو د رامنځته کېدو پر مواردو بحث او خبرې وشوې.

د مجلس د پرانیستې پر مهال د ننګرهار پوهنتون رئیس پوهاند دوکتور خلیل احمد بهسودوال پاکستان هېواد ته د لوړو زده کړو وزارت د محترم مشرتابه د سفر جزئیات او هم یې د نوموړي هېواد د ۷ معتبرو پوهنتونونو او تدریسي روغتونونو سره د تفاهملیکونو د لاسلیک په اړه د یاد وزارت هدایات شریک کړل.

د پوهنتون رئیس دغه راز د ټولګټو وزارت سره د تورخم- کابل او کابل- مزارشریف د اورګاډي پټلۍ او د سټنډرډ ملي ادارې سره په بېلابېلو برخو کې د همکاريو په رامنځته کېدو خبرې وکړې.

د غونډې په دویمه برخه کې د مجلس غړو د یادو موضوعاتو په اړه بحث وکړ او زیاته یې کړه، چې ننګرهار پوهنتون د ذکر شویو بنسټونو سره د ریسرچونو او تحقیقاتو، سروې ګانو او ټسټونو، مسلکي کادرونو روزلو، پر لیکه زده کړو او نورو بېلابېلو برخو کې ګډ کار او متقابله همکاري کولی شي.

د علمي چارو مرستیال پوهنمل احسان الله ناصح او د محصلانو چارو مرستیال پوهنوال سید اکرم هاشمي په خپلو خبرو کې د یادو شویو موضوعاتو د جدي تعقیب په اړه د منظم پلان جوړولو سپارښتنه وکړه، چې د مجلس د غړو له خوا ورته د بشپړې همکارۍ ډاډ ورکړل شو.

تازه خبرونه

یکشنبه ۱۴۰۰/۱۱/۳ - ۱۰:۴۸
Background image

د ننګرهار پوهنتون علمي شورا نوبتي غونډه وکړه.

 

په نوموړې کاري ناسته کې، چې د مرغومې په ۳۰ مه نېټه ددې پوهنتون د رئیس پوهاند دوکتور خلیل احمد بهسودوال په مشرۍ ترسره شوه، د استادانو د علمي ترفیعاتو، تقرر او انفکاک کیسونو او يو شمېر. . .

چهارشنبه ۱۴۰۰/۱۰/۲۹ - ۱۰:۲۶
Background image

د ننګرهار پوهنتون تقرر- انفکاک، نظم او دسپلین کمېټو مجلسونه ددې پوهنتون د رئيس پوهاند دوکتور خليل احمد بهسودوال په مشرۍ ترسره شول.

 

په یادو کاري ناستو کې د پوهنتون د مشرتابه سربېره د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال قاضي خالد صداقت، د علمي چارو مرستیال پوهنمل. . .

دوشنبه ۱۴۰۰/۱۰/۲۷ - ۸:۵۹
Background image

د ننګرهار پوهنتون پلان او پاليسۍ کمېټې ددې پوهنتون د رئيس پوهاند دوکتور خليل احمد بهسودوال په مشرۍ غونډه وکړه.

 

په نوموړې کاري ناسته کې، چې د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال، د علمي چارو او محصلانو چارو مرستيالانو او د یادې کمېټې غړو په کې. . .

BACK TO NEWS