د ننګرهار پوهنتون د ازموینو مرکزي کمېټې غړو د پوهنتون د رئیس پوهاند دوکتور خلیل احمد بهسودوال په مشرۍ غونډه وکړه.

nu_admin
یکشنبه ۱۴۰۱/۸/۲۹ - ۱۵:۱
image

 

په یاده کاري ناسته کې، چې د لوړو زده کړو وزارت فوق العاده استازي او د پوهنتون اداري او مالي چارو مرستیال پوهنیار قاضي خالد صداقت او د محصلانو چارو مرستیال حافظ سید محمد قاسم هاشمي هم په کې برخه لرله، د راتلونکو ازموینو لپاره د طرزالعمل جوړولو او د ازموینو پروسې د روڼتیا لپاره د اړینو تدابیرو نیولو په اړه بحث او پرېکړې وشوې.

د ننګرهار پوهنتون رئیس او مرستیالانو د ازموینو د مرکزي کمېټې غړو د تېرو کړنو او فعالیتونو مننه وکړه، چې له امله یې د پوهنتون ازموینې تر ډېره بریده رڼې او معیاري شوي او د اصولو او مقرراتو سره سم یې د راتلونکو ازموینو د اخیستلو سپارښتنه وکړه.

نوموړو د خپلو ویناوو په ترڅ کې د مجلس غړو ته لارښوونه وکړه، چې د ازموینو لپاره جوړ شوی طرزالعمل دې د پوهنځیو له مسؤلینو سره شریک او د بشپړ تطبیق څخه دې یې څارنه وکړي.

د ازموینو مرکزي کمېټې مشر پوهاند دوکتور عبدالحی مقیم د پوهنتون مشرتابه ته ډاډ ورکړ، چې د کمېټې د غړو په مرسته به په منظمه توګه د ازموینو د اخیستلو بهیر څارنه وکړي او د کمېټې د کړنلارې سره سم به ازموینې واخلي.

د یادونې وړ ده، چې د روان سمستر ازموینې به د لوړو زده کړو وزارت له خوا د رالېږل شوې طرحې او د پوهنتون د علمي شورا د پرېکړې سره سم د لیندۍ په ۵ مه نېټه پيل او د یادې میاشتې تر پایه به دوام وکړي.

تازه خبرونه

یکشنبه ۱۴۰۳/۱/۵ - ۸:۵۴
Background image

ننګرهار پوهنتون کې د یوه مجهز څېړنیز مرکز د جوړېدو چارې پیل شوې.

د یاد مرکز وداني د ننګرهار پوهنتون رهبرۍ په هلو ځلو او د شهید افسر خان ستانکزي خيريه بنسټ له لوري د ۱۵ میلیونه افغانیو په مالي لګښت د اړینو عصري تجهیزاتو په لرلو سره په ۳ پوړونو کې. . .

دوشنبه ۱۴۰۲/۱۱/۲۳ - ۲۲:۸
Background image

د ننګرهار پوهنتون په نوښت جوړ شوی اقليم بدلون نړيوال کنفرانس پای ته ورسېد.

ياد کنفرانس چې د سلواغې په ۲۱ نېټه پيل او درې ورځې يې دوام وکړ، د وروستۍ ورځې په مناسبت يې د ښېوې ولسوالۍ اړوند ناکامورا پارک کېيي مراسم جوړ شوي وو، چې په کې د ننګرهار پوهنتون رئيس او. . .

یکشنبه ۱۴۰۲/۱۱/۲۲ - ۲۰:۴۹
Background image

ننګرهار پوهنتون کې د داير شوي اقليم بدلون نړيوال کنفرانس دويمه ورځ هم په بريا سره پای ته ورسېده.

د ننګرهار پوهنتون په کوربتوب او د لوړو زده کړو وزارت په همکارۍ د جوړ شوي اقليم بدلون نړيوال کنفرانس دويمه ورځ، چې د کنفرانس د محتوا اړوند د ګډونوالو علمي او تحقيقي مقالو ته ځانګړې شوې. . .

BACK TO NEWS