د ننګرهار پوهنتون د ازموینو مرکزي کمېټې ددې پوهنتون د محصلانو چارو مرستیال په مشرۍ غونډه وکړه.
په نوموړې کاري ناسته کې د کمېټې د اړوندو موضوعاتو تر څنګ د نهايي ازموینو د راپورونو بیاکتنه او ارزونه ترسره شوه.
د ننګرهار پوهنتون د محصلانو چارو مرستیال پوهنیار حافظ سید محمدقاسم هاشمي د ازموینو کمېټې د تېرو کړنو او فعالیتونو مننه وکړه، چې له امله یې د پوهنتون ازموینې په راڼه او شفاف ډول واخیستل شوې.
نوموړي دغه راز د کمېټې غړو ته سپارښتنه وکړه، چې د تېر سمستر ازموینو ورځني راپورونو بیاکتنه ترسره او بشپړ راپور یې د پوهنتون له رهبرۍ سره شریک کړي، تر څو د ازموینو مثبت او منفي نقاط په ګوته او د راتلونکي لپاره په یاده پروسه کې شته نیمګړتیاوې له منځه لاړې شي.
د ازموینو مرکزي کمېټې مشر او غړو استادانو د محصلانو چارو مرستیال ته ډاډ ورکړ، چې یاده چاره به په پوره روڼتیا ترسره او بشپړ راپور به یې د پوهنتون ادارې ته وسپاري.
سرچینه: د عامه اړیکو، اطلاعاتو او نشراتو آمریت
