د ننګرهار پوهنتون او سپین غر لوړو زده کړو موسسې تر منځ د علمي همکاریو تفاهملیک لاسليک شو

sakhizada_admin
دوشنبه ۱۳۹۹/۱۱/۲۷ - ۹:۲۴
image

 

د پوهنتون د مسؤلينو په وينا، د ياد تفاهملیک له مخې به دواړه علمي مرکزونه د درېو کلونو لپاره د څېړنو، سروې ګانو، ظرفیت لوړونې، نشراتو او د محصلینو د عملي زده کړو په برخو کې له یو بل سره همکاري کوي.

نوموړى تفاهملیک د ننګرهار پوهنتون د رئيس پوهاند دوکتور خليل احمد بهسودوال او د سپین غر لوړو زده کړو موسسې رئیس ډاکتر خیرمحمد مومند له خوا په داسې حال کې لاسلیک شو، چې د ننګرهار پوهنتون د علمي چارو مرستیال پوهندوی دوکتور محمد حامد کډوال، د محصلانو چارو مرستيال پوهنوال سيد اکرم هاشمي او د پوهنتون د بهرنیو اړیکو او تضمین کیفیت کمېټو مسؤلینو هم حضور درلود.

د ننګرهار پوهنتون رئیس پوهاند دوکتور خلیل احمد بهسودوال د پوهنتونونو او علمي مرکزونو تر منځ د متقابلو اړیکو او همکاریو پر ارزښت او اړتیا خبرې وکړې او دا یې د ننګرهار پوهنتون دنده وګڼله، چې په سیمه کې د دولتي او خصوصي پوهنتونونو او تحصیلي موسسو سره په بېلابېلو علمي او اکاډمیکو برخو کې همکاري وکړي.

د سپین غر لوړو زده کړو موسسې رئیس ډاکتر خیرمحمد مومند په تېر کې له خپلې موسسې سره د تضمین کیفیت، د محصلینو د عملي زده کړو او ستاژ، کانکور ازموینو او د روزنیزو کورسونو د دایرولو په برخو کې د ننګرهار پوهنتون د اکاډمیکې مرستې او همکارۍ یادونه وکړه او د مننې تر څنګ يې په راتلونکې کې د هغې پر دوام ټینګار وکړ.

نوموړي د ګډو علمي همکاریو د یاد تړون لاسلیک د خپلې تحصیلي موسسې لپاره لویه لاسته راوړنه وبلله، چې په وینا یې، د یوه فرصت په توګه به ترې اعظمي استفاده وکړي.

تازه خبرونه

یکشنبه ۱۴۰۳/۱/۵ - ۸:۵۴
Background image

ننګرهار پوهنتون کې د یوه مجهز څېړنیز مرکز د جوړېدو چارې پیل شوې.

د یاد مرکز وداني د ننګرهار پوهنتون رهبرۍ په هلو ځلو او د شهید افسر خان ستانکزي خيريه بنسټ له لوري د ۱۵ میلیونه افغانیو په مالي لګښت د اړینو عصري تجهیزاتو په لرلو سره په ۳ پوړونو کې. . .

دوشنبه ۱۴۰۲/۱۱/۲۳ - ۲۲:۸
Background image

د ننګرهار پوهنتون په نوښت جوړ شوی اقليم بدلون نړيوال کنفرانس پای ته ورسېد.

ياد کنفرانس چې د سلواغې په ۲۱ نېټه پيل او درې ورځې يې دوام وکړ، د وروستۍ ورځې په مناسبت يې د ښېوې ولسوالۍ اړوند ناکامورا پارک کېيي مراسم جوړ شوي وو، چې په کې د ننګرهار پوهنتون رئيس او. . .

یکشنبه ۱۴۰۲/۱۱/۲۲ - ۲۰:۴۹
Background image

ننګرهار پوهنتون کې د داير شوي اقليم بدلون نړيوال کنفرانس دويمه ورځ هم په بريا سره پای ته ورسېده.

د ننګرهار پوهنتون په کوربتوب او د لوړو زده کړو وزارت په همکارۍ د جوړ شوي اقليم بدلون نړيوال کنفرانس دويمه ورځ، چې د کنفرانس د محتوا اړوند د ګډونوالو علمي او تحقيقي مقالو ته ځانګړې شوې. . .

BACK TO NEWS