د ننګرهار پوهنتون ازموینو مرکزي کمېټې غړي او ددې پوهنتون د تېر سمستر ممتاز محصلین د یوې غونډې په ترڅ کې وستایل شول.

nu_admin
دوشنبه ۱۴۰۱/۲/۲۶ - ۸:۱۳
image

 

په همدې مناسبت د محصلانو خدمتونو انسجام آمریت تالار کې د غويي په ۲۴مه ستاینغونډه جوړه شوې وه، چې د پوهنتون او پوهنځیو یو شمېر مسؤلینو، استادانو، محصلانو او اداري آمرینو په کې برخه لرله.

د غونډې د پرانیستې وینا پر مهال د ننګرهار پوهنتون رئیس پوهاند دوکتور خلیل احمد بهسودوال په اداره کې د مکافاتو او مجازاتو د اصل پر ارزښت خبرې وکړې او محصلينو ته يې ددې ستر وياړ له امله، چې د پوهنځي په کچه یې د لوړو نمرو په اخیستلو د ممتازو محصلينو مقام خپل کړى، مبارکي وويله.

نوموړي وویل: د پوهنتون اداره او استادان هڅه کوي، چې محصلینو ته د تدریس او عملي زده کړو ښې او معیاري اسانتیاوې رامنځته کړي، چې له نېکه مرغه د همدې هلو ځلو پایله ده، چې زمونږ محصلین د پوهنتون دننه او بهر ښې لاسته راوړنې لرلي او په ګڼو سیالیو او ازموینو کې ځلېدلي دي.

پوهاند بهسودوال د ازموینو مرکزي کمېټې د مثبتو کړنو او فعالیتونو یادونه وکړه؛ نوموړي وویل، چې د یادې کمېټې د مشرتابه او غړو په هلو ځلو د پوهنتون د ازموینو پروسه معیاري، شفافه او منظمه شوه.

د پوهنتون رئیس د یادې کمېټې د ترسره کړیو خدمتونو د تقدیر او ستاینې تر څنګ هغوی ته د الله تعالی له درباره د اجر او لا زیاتو بریاوو غوښتنه وکړه.

د ننګرهار پوهنتون د علمي چارو مرستیال پوهنمل احسان الله ناصح او د محصلانو چارو مرستیال پوهنوال سید اکرم هاشمي د خپلو ویناوو په ترڅ کې د ازموینو کمېټې د غړو څخه د مننې او ممتازو محصلینو ته پر مبارکۍ سربېره د ممتازو محصلینو د ټاکل کېدو پر پروسیجر رڼا واچوله.

د ازموینو مرکزي کمېټې غړو په استازۍ د یادې کمېټې مشر پوهاند احمد ګل واثق او د ممتازو محصلینو په استازۍ د طب پوهنځي محصل عرفات صافي خبرې وکړې او د پوهنتون له مشرتابه یې مننه وکړه، چې تل یې خپل استادان او محصلین تشویق او هڅولي دي.

د غونډې په وروستۍ برخه کې د پوهنتون د مسؤلینو له خوا د ازموینو کمېټې ۱۳ تنو غړو استادانو او ۳۶ تنو ممتازو محصلینو ته برابر شوي ستاینلیکونه ورکړل شول.

تازه خبرونه

جمعه ۱۴۰۱/۴/۱۰ - ۸:۱۲
Background image

ننګرهار پوهنتون کې د پکتیکا او خوست ولایتونو زلزله ځپلو لپاره د مرستې راټولولو کمپاین په لړ کې یوه بهر مېشتي افغان مبصر طلعت د ۲۵ زره افغانیو مرسته وکړه.

 

ښاغلی طلعت، چې د انګلستان په هېواد کې اوسېږي، یاده مرسته یې ننګرهار پوهنتون ته رالېږلې وه، چې نن ورځ د پوهنتون د رئیس پوهاند دوکتور خلیل احمد بهسودوال له خوا د مرستې راټولولو کمپاین. . .

سه‌شنبه ۱۴۰۱/۴/۷ - ۸:۲۰
Background image

ننګرهار پوهنتون کې د پکتیکا او خوست ولایتونو زلزله ځپلو لپاره د مرستې راټولولو کمپاین پیل شو.

 

یاد کمپاین د ننګرهار پوهنتون د رئیس پوهاند دوکتور خلیل احمد بهسودوال، د لوړو زده کړو وزارت فوق العاده استازي او د پوهنتون د اداري او مالي چارو مرستیال پوهنیار قاضي خالد صداقت او د. . .

دوشنبه ۱۴۰۱/۴/۶ - ۸:۴۳
Background image

د ننګرهار پوهنتون مشرتابه پلاوي د طب او ښوونې او روزنې پوهنځیو د ازموینو بهیر نه لیدنه وکړه.

 

د ننګرهار پوهنتون رئیس پوهاند دوکتور خلیل احمد بهسودوال د لوړو زده کړو وزارت د فوق العاده استازي او د پوهنتون د اداري او مالي چارو مرستیال پوهنیار قاضي خالد صداقت او د محصلانو چارو. . .

BACK TO NEWS