د عبدالرحیمزیو قوم پېژندنې کتاب چاپ شو.
نوموړی کتاب د ننګرهار پوهنتون د عامه ادارې او پالیسۍ پوهنځي د څلورم کال محصل فیض الله عبدالرحیمزي او د لوګر پوهنتون د ښوونې او روزنې پوهنځي د استاد پوهندوی وحیدالله عبدالرحیمزي له خوا په ګډه لیکل شوی، چې د عبدالرحیمزیو قوم د شجرې، اړوندو خېلونو او شخصیتونو په اړه په کې په تفصیل سره بحث او څېړنه شوې ده.
(د عبدالرحیمزیو پېژندنه) کتاب درې ټوکه د کتاب د لیکوال فیض الله عبدالرحیمزي له خوا د ننګرهار پوهنتون رئیس پوهاند دوکتور خلیل احمد بهسودوال ته په داسې حال کې وسپارل شول، چې د علمي چارو مرستيال پوهنمل احسان الله ناصح او د محصلانو چارو مرستيال پوهنوال سيد اکرم هاشمي هم حضور درلود.
د ننګرهار پوهنتون رئیس د نوموړي کتاب چاپ د پښتون قوم د تاریخ او ادب په برخه کې یوه غوره زیاتونه وبلله او د ښاغلي عبدالرحیمزي څخه د مننې تر څنګ یې د نوموړي یاده هڅه د پوهنتوني ډالۍ په ورکړې سره تقدیر کړه.
