د ختیځ زون امارتي او خصوصي پوهنتونونو لپاره د لوړو زده کړو وزارت د دعوت او ارشاد مسؤل د نورستان لوړو زده کړو مؤسسې څخه لیدنه او ارزونه وکړه.
د ختیځ زون امارتي او خصوصي پوهنتونونو لپاره د لوړو زده کړو وزارت د دعوت او ارشاد مسؤل او د ننګرهار پوهنتون د محصلانو چارو مرستیال شیخ شاکرالله وحدت د ننګرهار پوهنتون د دعوت او ارشاد آمر مولوي خلیل الله معصوم په ملتیا د نورستان لوړو زده کړو مؤسسې څخه د دعوت او ارشاد روانو چارو ارزونې په موخه لیدنه وکړه.
د لیدنې پر مهال نوموړو د یادې مؤسسې مسؤلینو، استادانو، اداري او خدماتي کارکوونکو سره جلا جلا غونډې وکړې او خپله اړونده برخه کې یې ورته لازم هدایات او سپارښتنې وکړې.
د غونډو پر مهال د اسلامي امارت د محترم مشرتابه او لوړو زده کړو وزارت مقام د فرامینو تطبیق، سیرت او صورت اصلاح، د کامل صداقت له مخې د رسمي کارونو ترسراوي او مراجعینو سره حسنه چلند اړوند توصیې وشوې او د هغوی ستونزې او وړاندیزونه د حل په موخه واورېدل شول.
د نورستان لوړو زده کړو مؤسسې مشرتابه او منسوبینو د ختیځ زون د دعوت او ارشاد مسؤل او ورسره مل پلاوي سفر ته هرکلی ووایه او هغوی ته یې په اړونده برخه کې د لازمو اجرااتو ډاډ ورکړ.
