د تشبثاتو اداره او منجمنټ

د تشبثاتو اداره او منجمنټ څانګه د اقتصاد پوهنځي تر تأسیس کیدو ډېر وروسته رامنځته شوه، ددې څانګې د اړتیا پر بنسټ اقتصاد پوهنځي ددې څانګې د رامنځته کېدو په پار هڅې او کوښښونه پېل کړل او د همدې هڅو او منډو ترړو پایله وه چې په ۱۳۸۸ لمریز لېږدیز کال نوموړې څانګه د اقتصاد پوهنځي او ننګرهار پوهنتون په ګډ وړاندیز سره د لوړو زده کړو جلیله وزارت لخوا منظور شوه.

یادې څانګې تر دې مهاله ډېر فارغان ورکړي دي چې په ډېرو مهمو او کلیدي پوستونو دندې تر سره کوي او عملاً د هیواد په عامه اداره کې په خدمت مصروف دي. د Business Administration څانګې تر دې مهاله ۴۴۶ تنه فارغان ټولنې ته وړاندې کړي دي چې د ښه کیفیت پایله یې په اداراتو کې څرګنده ده، اوسمهال په یاده څانګه کې د اته تنه استادانو لخوا شاوخوا ۱۴۵ تنه محصلانو ته عملاً زده کړې ورکول کېږي. د استادانو لخوا د عصري وسایلو په کارولو سره محصلان روزل کېږي، د څانګې د نورو پرمختګونو په موخه په پلان کې لرو چې په راتلونکې کې په عصري او نوې فکره سمبال کدرونه په یاده څانګه کې جذب کړو او ددې څانګې د پرمختګ سبب شي.

لرلید Vision

یاده څانګه  غواړي چې د کاروبار د چارو د مدیریت، ادارې، مالي چارو، محاسبې او بازار موندنې په برخه کې د محصلینو په مسلکي روزنه کې د پام وړ خدمات عرضه کړي او په ټولنه کې یو کلیدي رول ولري.

څانګې ماموریت Mission

‌‌Business Administration څانګه ټولنې ته د کاروبار، مالي او منجمنټ په بیلابیلو برخو کې د نوې ټکنالوژۍ، ملي احساس،  د وړتيا په کارولو او د ټولنې غوښتنو ته په کتو سره علمي او اکاډميک شخصيتونه وړاندې کوي، نومړې څانګې د خپل ماموریت او لید لوري د ټاکلو په موخه د بېلابېلو ورکشاپونو له لارې د استادانو، محصلانو او کارکوونکيو همدارنګه د ټولنې له افرادو سره غونډې او ناستې ترسره کړې دي. همدارنګه دې څانګی هڅه کړې چې د ښکېلو خواوو نظرونه هم د څانګی د ماموریت او لیدلوري د پیاوړتیا لپاره له ځانه سره ولري د نوموړي ماموریت او لیدلوري په رامنځته کولو کې د څانګی له هر اړخیزې ارزونه (SWOT ANALYSIS) ترسره شوه تر څو د شته امکاناتو په رڼا کې څانګی خپل ماموریت او لیدلوری وټاکي. دڅانګې ماموریت او لیدلوری د پوهنتون په پنځه کلن ستراتیژیک او پرمختیايي پلانونو کې ځای پر ځای شوي د اجتماعی صفحاتو دلارې نشر ته سپارلي. دې ماموریت ته درسیدو په موخه یاده څانګه په پام کې لري چې:

۱. په لوړ کیفیت سره د تدریس چارې پر مخ یوسي.

۲.  د کاروبار د وسعت په موخه د کاروباري ادارو او ټولنې د وګړو تر منځ د ستونزو د لمنځه وړلو لارې چارې او دښه اړیکو په موخه نظریات وړاندې کول.

۳. د اوسنۍ عصري نړۍ غوښتنو او د ټولنې اړتیاوو ته په کتو سره د خپلو زده کړو عیارول چې دا کار د محصل تر فراغت وروسته د کار په بازار کې د هغه په جذب کولو کې ډېره مرسته کولای شي.

۴. د محصلینو ذهنیتونه نظم، ډسپلین، مساوات، هیوادنۍ مینې، تحمل، انضمام، احترام ، د ټولنې د خدمت په موخه لوړو ارزښتونو ته قایلول.

۵. یاده څانګه د هیواد د پرمختګ او په کاروباري او مدیریتي برخو کې د نړۍ سره د سیال کېدو، د ټولنې او چاپېریال د اړتیاوو په برخه کې با احساسه ده او په دې هیله ده چې ټولنه مو د پرمختګ پر لور هر اړخیر ګامونه پورته کړي.

د څانګی ماموریت او لیدلوری د پوهنځی په علمي شورا کې تر بحث وروسته تصویب شوی.

ارزښتونه

• ټولنې ته د داسې علمي اشخاصو وړاندې کول چې ملي ګټو او مقدساتو ته پوره احترام ولري.
• د کاروبار په ساحه کې ملي او نړیوال نورمونه په پام کې نیول.
• د سوداګریزې سیالۍ په اوسني عصر کې په سیمه ایزه او نړیواله کچه د هیواد سیال کول
• اسلامي او ملي اصولو ته درناوی
• د خدمت لپاره ژمنتيا

د څانګې موخې

دا څانګه لاندې موخو ته درسیدو لپاره هلې ځلې کوي:

1. د اړتیاوو او ستونزو د حل لپاره د اقتصاد پوهنځي او نورو څانګو سره همکاري.
2. د هیواد د ځوانو استعدادونو روزل او د دوی د تجربو د ډېرولو لپاره هلې ځلې کول.
3. د ټولنې د لوړ کیفیت لرونکي خدمت لپاره د علم او تجربو په ګاڼه د ځوانو کدرونو  سمبالول او د خدمت په موخه یې بازار ته وړاندې کول.
4. ټولنې ته دخدمت په موخه وړاندې کېدونکي استعدادونه د عصري ټکنالوژۍ سره اشنا کول او سمبالول.
5. د لوړو زده کړو او دهیواد دپرمختګ په موخه د ځوانو استعدادونو هڅونه او دمثبتو مفکورو انتقالول.
6. د ټولنې د ټولو ناخوالو لکه د مخدره موادو قاچاق، غیر قانوني فعالیتونو او د تور اقتصاد د عواملو څخه د ځوان نسل ساتنه او دوی ته په قانوني چوکاټ کې د کاروبار د پیلولو او په ادارو کې داستخدام د فرصتونو برابرول.
7. د فساد په وړاندې دمحصلینو او خلکو د ذهنونو روښانه کول او هغوی ته ددې ناوړه عمل په اړه پوری پوهاوی او د تجربو انتقال.
8. د دولت او حکومتي کړیو سره د کاروبار او ادارې په برخه کې دتقویت په اړه مفکورې انتقالول.
9. د کریکولم او درسي نصاب د معاصر ساتلو په خاطرد اړونده استعدادونو ، متخصیصنو، محصلانو او اهل مسلک سره د غونډو په لاره اچول.
10. د علمي، تخصصي، تحصیلي او مالوماتي-تکنالوژیکي سطحې له نګاه څخه د څانګې د کادري غړو ارتقا.
11. د ماسترۍ او دوکتورا په سطحه د لوړو زده کړو په ساحه کې د کادر روزنه.
12. کادر او تخصص ته د اړتیا د تثبیت په موخه د اړونده ارګانونو په ګډون د محفلونو، مجلسونو او ورکشاپونو په لاره اچول.
13. د کریکولم او درسي نصاب د معاصر ساتلو په خاطرد اړونده استعدادونو ، متخصیصنو، محصلانو او اهل مسلک سره د غونډو په لاره اچول.
14. د نوښتګر تفکر په ایجاد، د علمی څیړنو د پروسی درک او په ساینس باندی د ولاړو میتودونو معرفی.
15. د لوړوزده کړو وزارت د علمی برنامو تحقق.
16. د نړۍ د نوی تکنالوژۍ ، ساینسي پرمختګونو او د مدني ارزښتونو له غوښتنې  سره سم د درسي نصاب تطبیق.

د د تشبثاتو اداره او منجمنټ څانګې آمر

پوهنمل نقیب الله اتل د ماسترۍ تر کچې لوړې زده کړې  چې لیسانس یې د ننګرهار پوهنتون اقتصاد پوهنځي د تشبثاتو اداره او منجمنټ څانګې څخه تر سره کړی او په ۱۳۹۱ کال کې په اعلی درجه فارغ شوی دی چې د مالیزیا هیواد په ساینس پوهنتون کې يې ماستري سرته رسولې ده چې تر دې دمه یې ګڼ شمېر مقالې په ملي او نړیوالو ژورنالونو کې نشر شوي دي، همدا رنګه یې د کاروبار تمویل تر عنوان لاندې تدریسي کتاب په ۱۴۰۳ کې لیکلی پوهنمل نقیب الله اتل  په ۱۳۹۲ کال کې په اقتصاد پوهنځي د تشبثاتو اداره او منجمنټ څانګه کې علمي کادر په توګه تقرر شوی او ښاغلی پوهنمل  اتل تر دی مهاله د BBA څانګې د آمر په توګه دنده اجرأ کوي. د څانګې د آمریت  تر څنګ د پوهنتون د علمي تحقیقاتو د کمیټی  غړی او د پوهنځي د علمي څېړنو کمېټې مشر هم دی.

ددې څانګې د استادانو نومونه او د هغوی علمي رتبې په لاندې جدول کې لیدلی شئ:

په دې څانګه کې د نورو پوهنتون شموله مضامینو تر څنګ لاندې تخصصي مضامین تدریس کېږي

د سوداګرۍ څانګهCommerce

د سوداګرۍ (Commerce) څانګه د اقتصاد پوهنځي د تأسیس کیدو سره همزمان ډول رامنځته شوه، ددې څانګې د اړتیا پر بنسټ اقتصاد پوهنځی ددې څانګې د رامنځته کېدو په پار هڅې او کوښښونه پېل کړل او دهمدې هڅو او منډو ترړو پایله وه چې په ۱۳۶۳ لمریز زېږدیز کال نوموړې څانګه د اقتصاد پوهنځي او ننګرهار پوهنتون په ګډ وړاندیز سره د لوړو زده کړو جلیله وزارت لخوا منظور شوه. یادې څانګې تر دې مهاله ډېر فارغین ورکړي دي چې په ډېرو مهمو او کلیدي پوستونو دندې تر سره کوي او عملاً د هیواد په عامه اداره کې او خصوصي سکتور کې په خدمت مصروف دي.

د سوداګرۍ څانګې تر دې مهال په زرګونو تنه فارغان ټولنې ته وړاندې کړي دي چې د ښه کیفیت پایله یې په اداراتو کې څرګنده ده، اوسمهال په یاده څانګه کې د اوه تنه استادانو لخوا شاوخوا  ۱۵۳ تنه محصلانو ته عملاً زده کړې ورکول کېږي. د استادانو لخوا د عصري وسایلو په کارولو سره محصلین روزل کېږي، د څانګې د نورو پرمختګونو په موخه په پلان کې لرو چې په راتلونکې کې په عصري او نوې فکره سمبال کدرونه په یاده څانګه جذب کړو او ددې څانګې د پرمختګ سبب شي.

لرلید Vision

د ملي، سیمه ایز او نړیوالو اقتصادي-سکتوري سازمانونو لپاره په سوداګریزو ارزشونو، فکرونو او علمي-مسلکي پوهې سنبال کادرونو درلودل او په نړیواله سطحه د علمي او تخنیکي پرمختګ د غوښتنو مطابق د کادرونو، امکاناتو، سهولتونو،تجهیزاتو او وسایلو له پلوه د سمبال ډیپارټمنټ لرل.

ماموریت Mission

د کورنیو او بهرنیو بازارونو د اړتیاو په پام کې نیولو سره د وړ لایق او په علمي مسلکي ډګر کې په وروستیو لاسته راوړنو مجهزو کادرونو تربیه او وړاندې کول.

ارزښتونه :

• اسلامي او ملي اصولو ته درناوی.
• د خدمت لپاره ژمنتيا.
• نوښت او خلاقیت رامنځته کول.
• د چارو روڼتیا او حساب ورکول.
• د عدالت او برابرئ تامینول .
• په هر اړخیزه پرمختګ کې په نړیوالتوب باور لرل.
• په ځیړنه ،پوهې ،مهارت او مسلکیتوب اتکأ کول.

موخې Objectives

• د علمي، تخصصي، تحصیلي او مالوماتي-تکنالوژیکي سطحې له نګاه څخه د څانګې د کادري غړو ارتقا.
• په دوامداره توګه د څانګې د علمي کادر غړو د علمي- مسلکې سطحې تازه ساتل.
• د علمي- مسلکي کتابونو لیکل.
• په علمي- مسلکي کتابونو او اثارو د مجهز کتابتون تهیه او تدارک.
• په علمي او مسلکي اړوندو ساحو کې د تجربو او لاس ته راوړنود تبادلې او استفادې په منظور د علمي ـ تحصیلي بنسټونو سره د ارتباط تامین.
• د کریکولم او درسي نصاب د معاصر ساتلو په خاطرد اړونده استعدادونو ، متخصیصنو، محصلانو او اهل مسلک سره د غونډو په لاره اچول.
• د ډيپارټمنټ د مادي-تخنیکي پاې توسعه او پراختیا
• د ماسترۍ او دوکتورا په سطحه د عالي لوړو زده کړو په ساحه کې د کادر تربیه.
• د اړونده ملي او نړیوالو څېړنیزو پروژو په لاره اچول.
• د منطقې او نړۍ په سطحه د اړوند علمي او اکاډمیک موسساتو سره د اړیکو تامین.

د سوداګرۍ څانګې آمر

ښاغلی پوهنمل صفي الله خلیلزی د ننګرهار پوهنتون اقتصاد پوهنځي څخه په ۱۳۸۶ کال کې  لیسانس او په ۱۳۹۸ کال کې ماستري  سرته رسولې ده  چې تر دې دمه یې ګڼ شمیر مقالې په ملي او نړيوالو ژورنالونو کې نشر شوې دي، ښاغلی پوهمنل صفي الله خلیلزی په ۱۳۹۰ کال کې د اقتصاد پوهنځي سوداګرۍ څانګه کې د علمي کادر په توګه یې تقرر شوی دی چې تر دې مهاله د سوداګرۍ څانګې د آمر په توګه دنده اجرأ  کوي.

ددې څانګې د استادانو نومونه او د هغوی علمي رتبې په لاندې جدول کې لیدلی شئ:

په دې څانګه کې د نورو پوهنتون شموله مضامینو تر څنګ لاندې تخصصي مضامین تدریس کېږي

ملي اقتصاد څانګه

د ملي اقتصاد څانګه په ۱۳۶۹ لمریز لېږدیز کال کې تأسیس شوې ده، چې په هیواد کې د اقتصاد د عمومي ساحو لپاره کدرونه روزي، دا څانګه د اړتیا پر بنسټ د لوړو زده کړو د وزارت د اکاډمیکو چارو د انسجام له تائید وروسته رامنځته شوه، دې  څانګې په برییالیتوب سره تر اوسه پورې  په زرګونو فارغان ټولنې ته  وړاندی کړي او  استادانو یې تحسین نامې  او تقدیر نامی  هم ترلاسه کړې دي  او د  ځان ارزونې په دوه پړاوونو کې یې غوره پایلې درلودې، د شرایطو او وخت د بدلونو سره سم د څانګې لخوا په درسي نصاب کتنه کیږي او اړین مضامین په نصاب کې داخل او ځينې چې د وخت د شرایطو او تقاضا سره اړخ نه لګوي حذف کیږي. د ملي اقتصاد څانګې په ۱۳۹۷ لمریز لېږدیز کال کې د درسي نصاب نوې طرح جوړه کړه، چې د ۱۳۹۸ لمریز لېږدیزکال د لوړو زده کړو وزارت لخوا جوړې شوې برنامه کې د درسي نصاب په نوې طرحې جوړولو کې تري ګټه واخیستل شوه.

لید لوری:

د تدریس او څیړنې په مرسته دمنابعو اغېزمن تخصیص لپاره د پالیسیو او پرګرامونو د جوړولو وړتیا لرونکو کادرونو به روزونکي څانګه وي.

ماموریت:

د اقتصادي ستونزو د عواملو او حل لارو معلومول او د اقتصادي سرچینو جزوي او کلي څیړنو وړتیا لرونکو کادرونو روزل

ارزښتونه :

• اسلامي او ملي اصولو ته درناوی .
• د خدمت لپاره ژمنتیا درلودل.
• نوښت او خلاقیت رامنځته کول .
• د چارو روڼتیا او حساب ورکول .
• د عدالت او برابرئ ترتیبول .
• په هر اړخیزه پرمختګ کې په نړیوالتوب باور درلودل .
• په څیړنه پوهې ،مهارت او مسلکیتوب اتکأ کول.
• د اکاډمیکو اسانتیاوو نوملړ

 د ملي اقتصاد څانګې خپلو استادانو او زده کړیالانو ته لاندې سهولیتونه اماده کړي دي:

 ۱. پوهنځي کتابتون لري چې د ملي اقتصاد څانګې د استادانو لخوا نشر شوي کتابونه پکې ایښودل شویدي او په څانګه کې هم د استادانو لخوا نشر شوي کتابونه موجود دي.

۲. داچې د زده کړو په بهیر کې مو له عصري ټکنالوژۍ څخه ګټه پورته کړې وي او درسونو کیفیت مو پورته کړی وي زده کړیالانو ته په صنفونو کې پروجیکتورونه او LCD نصب شویدي.

۳. څانګه پنځه غړي لري چې د اداري مسولیتونو تر څنګ د تدریس چاري هم پر مخ وړي.

د ملي اقتصاد څانګې آمر

پوهنوال حمدالله نظامي خپلی لوړی زده کړې د ماسترۍ تر کچې په سپني روسیې هیواد کې په ۱۹۸۵ لمریز لېږدیز کې ترسره کړې ده. ښاغلي پوهنوال حمدالله نظامي چې د ملي اقتصاد ډيپارټمنټ امر ده ترڅنګ یې د امتحاناتو د کمېټي مشر هم همدارنګه پوهنوال حمدالله ډیر شمیر کتابونه تالیف کړي او په نړیوالو او ملي ژورنالونو کې زیاتې مقالی نشر شوي.

د دې څانګې د استادانو نومونه او علمي رتبې په لاندې جدول کې لیدلی شئ:

په دې څانګه کې د نورو پوهنتون شموله مضامینو تر څنګ لاندې تخصصي مضامین تدریس کېږي

مالي او بانکي څانګه (Finance & Banking)

مالي او بانکي څانګه چې په لنډیز سره د (F&B ) په توګه لیکل او یادیږي،  نه یواځې  ننګرهار پوهنتون کې، بلکې اوس په ټوله نړۍ کې یوه مهم دیپارتمنت دی چی د مالی مدیریت، مالی خطرونو، بانکی چارو او د دارایی یا شتمنیو په هکله مسایل تدریس او په دغو ډګرونو کې علمي  او تحقیق څیړنې کوي.  دغه  څانګه په ننګرهار پوهنتون کې په ۱۳۹۱لمریزکال کې تاسیس شوې ده چې ځانته یې په لاندې ډول خپل مرام او ماموریت ټاکلی دی:

لیدلوری

د ملي، سیمه ایز او نړیوالو اقتصادي-مالي موسساتو لپاره په نړېوالو معیارونو او د بانکې او مالي اوصولو سره سم، فکرونو او علمي-مسلکي پوهې سنبال کادرونو لرل. په ملي او نړیواله کچه د علمي-تخنیکي پرمختګ د غوښتنو مطابق د کادرونو، امکاناتو، سهولتونو،تجهیزاتو او وسایلو له پلوه سنبال ډیپارټمنټ درلودل.

ماموریت

د مالي او پولي  بازارونو او د  بانکي چارو د اړتیاو په پام کې نیولو سره وړ ،لایق ، علمي اومسلکي برخه کې د مجهزو کادرونو تربیه او وړاندې کول.

دغې څانګې  څلور دورې فارغان ټولنی ته  د خدمت په موخه وړاندی کړي دي او همدا اوس  ۱۸۹تنه محصلان  پکې په زده کړو بوخت دي.  مالي او بانکي څانګه  ځانګړی نصاب لري. چې دمعیاري بانکدارۍ  ځواب ویونکې ده او د  نړیوالو معیارونو سره  د لوړو زدکړو وزارت په کلستر کی  تصویب  شوی چی د ۱۳۹۸ کال د اسد په میاشت کې رسمی شو. چې د دغې څانګې دلیسانس   دوره کې فعلاً ۲۶ مضامین  تدریس کیږي. د تدریس سیستم یې کریدیت دی او یو شمیر انتخابی مضامین هم لري.

د بانکي او مالي څانګې آمر

پوهنیار حنیف الله خاطر چې د ننګرهار پوهنتون اقتصاد پوهنخي څخه په ۱۳۹۱ کال کې فارغ شوی او په ۱۳۹۵ کال کې د هندوستان هیواد د پنجاپ پوهنتون څخه یې ماستري تر سره کړې ده   چې ګڼ شمیر څیړنیزې مقالې یې په ملي او نړیوالو ژورنالونو کې نشر شوي دي. ښاغلی پوهنیار حنیف الله خاطر په ۱۳۹۲ کال کې د اقتصاد پوهنځي علمی کادر په توګه تقرر تر سره شوی او تر دې دمه مالي او بانکي چارو د څانګې آمر په توګه دنده تر سره کوي او همدا شان د پوهنتون په کچه د بریښنايي زده کړو ،امتحاناتو او نصاب کمیټې غړی هم دی.

د دې څانګې د استادانو نومونه او علمي رتبې په لاندې جدول کې لیدلی شئ:

په دې څانګه کې د نورو پوهنتون شموله مضامینو تر څنګ لاندې تخصصي مضامین تدریس کېږي: