د ننګرهار پوهنتون د پسرلني سمستر ازموینې به د غبرګولي په ۲۶مه نېټه پیل شي.

nu_admin
چهارشنبه ۱۴۰۱/۳/۲۵ - ۸:۴۱
image

 

یادې ازموینې، چې نږدې درې اوونۍ به دوام وکړي، په دوو شفټونو کې (د سهار له ۷ تر ۹ بجو او د ۱۰ تر ۱۲ بجو) او د شپې پوهنځیو او ماسترۍ او دکتورا پروګرامونو ازموینې به د مازیګر له ۴ تر ۶ بجو اخیستل کېږي.

یاده پرېکړه د ننګرهار پوهنتون د علمي شورا په هغه غونډه کې وشوه، چې نن ورځ (د غبرګولي په ۲۲ نېټه) ددې پوهنتون د رئيس پوهاند دوکتور خليل احمد بهسودوال په مشرۍ د پوهنتون تدریسي روغتون کې ترسره شوه.

په نوموړې کاري ناسته کې د پوهنتون د مشرتابه سربېره د لوړو زده کړو وزارت فوق العاده استازي، د علمي چارو او محصلانو چارو مرستیالانو، د بېلابېلو پوهنځيو او تدریسي روغتون رئيسانو او استادانو برخه لرله.

د ننګرهار پوهنتون رئيس پوهاند دوکتور خليل احمد بهسودوال د مجلس د پرانیستې پر مهال د ازموینو د څرنګوالي، روڼتیا او شفافیت، د ازموینو کمېټې د تجدید، د ازموینو په اړه د لوړو زده کړو وزارت د نوې رالېږل شوې طرحې رعایتولو، د اصولو په نظر کې نیولو سره محصلینو ته د لازمو اسانتیاوو برابرولو او یو شمېر نورو مسایلو په اړه مسؤلینو ته اړینې لارښوونې وکړې.

د مجلس په دویمه برخه کې د ننګرهار پوهنتون تدریسي روغتون رئیس پوهنوال ډاکتر همایون چهاردیوال د روغتون د فعالیتونو، لاسته راوړنو او راتلونکو پلانونو په اړه ترتیب کړی پریزنټیشن وړاندې کړ.

د ننګرهار پوهنتون رئیس پوهاند دوکتور خلیل احمد بهسودوال او د لوړو زده کړو وزارت فوق العاده استازي او د پوهنتون د اداري او مالي چارو مرستیال قاضي خالد صداقت د روغتون فعالیتونه مثبت وارزول او د تدریسي روغتون د ځینو څانګو د رغولو، طبي وسایلو تدارک، محصلینو ته د عملي زده کړو او ناروغانو ته د ښو خدمتونو وړاندې کولو او نورو بېلابېلو برخو کې یې د روغتون د ټولو کارکوونکو او په ځانګړې توګه د پوهنوال چهاردیوال هلې ځلې وستایلې او د تقدیر په موخه یې نوموړي ته ستاینلیک ورکړ.

د مجلس په وروستۍ برخه کې د تضمین کیفیت داخلي واحد د کلني پلان او د علمي برنامو د کلني راپور د تائید، محصلینو عرایضو، رتبې تثبیت کیسونو او نورو متفرقه مسایلو په اړه بحث او پرېکړې وشوې.

تازه خبرونه

پنجشنبه ۱۴۰۴/۷/۲۴ - ۱۰:۵۹
Background image

د ننګرهار پوهنتون اداري کارکوونکو ته د کیفیت لوړاوي پروسې او د اداري اصلاحاتو د ارزونې فورمونو د تشریح یو ورځنی ورکشاپ دایر شو.

یاد ورکشاپ، چې د کارکوونکو چارو امریت اړوند د وړتیا لوړونې لوی مدیریت له خوا د بېلابېلو برخو امرینو او  مدیرانو ته دایر شو، پر مهال یې د کیفیت لوړاوي او اعتبار ساتنې پروسې په ارزښت او. . .

چهارشنبه ۱۴۰۴/۷/۲۳ - ۱۱:۱۸
Background image

ننګرهار پوهنتون کې د لوړو زده کړو وزارت د محصلانو د معلوماتو مدیریتي سیستم په هکله د پوهاوي یو ورځنی ورکشاپ دایر شو.

د ننګرهار پوهنتون د مشرتابه په لارښوونه د دې پوهنتون د ۱۴ ګونو پوهنځیو تدریسي او اجرائیه مدیرانو او د محصلانو چارو امریت کارکوونکو ته د معلوماتي ټکنالوژۍ امریت له خوا د لوړو زده کړو. . .

چهارشنبه ۱۴۰۴/۷/۲۳ - ۱۱:۱۶
Background image

ننګرهار پوهنتون کې د ۸ کادري بستونو لپاره له ۲۲ تنو کاندیدانو ازموینه واخیستل شوه.

یاده ازموینه د لوړو زده کړو محترم وزارت او ننګرهار پوهنتون ګډ هیئت له خوا د ننګرهار، بامیان، خراسان او متانت پوهنتونونو انجنیري، اقتصاد، ښوونې او روزنې، ساینس او کمپیوټر ساینس پوهنځیو. . .

BACK TO NEWS

User account menu